Mbrëmjen e kaluar u luajt akti final i Ligës së Kampionëve mes Real Madrid dhe Liverpool. Kupa u ngrit lart si fitues nga Real Madrid, ndërsa në rrjete sociale kanë nisur memet.
Në disa foto, nga tifozë anglezë, kryeministri Edi Rama konsiderohet si “ters”. Kjo, pasi në disa foto në rrjete sociale, ai shfaqet me një xhup me stemën e Liverpool.
Në këtë linjë, nuk ka munguar as ironia e Ismet Drishtit, regjisor dhe pronar i “Zjarr Televizion” ku në profilin e tij në ‘Facebook’, Drishti shkruan:
”Pashë hatrin e zotit mos vish të martën ndonjë rrobë me simbolet e Vllaznisë se kemi finalen e kupës me Laçin! Ose më mirë vish fanellën e Laçit!”.
Me humorin që e karakterizon, Drishti druhet se mos Rama kthehet edhe në një lloj tersi për Vllazninë, duke ditur se ndeshja e Kupës është vendimtare për kuqeblutë. Megjithatë nuk ka vend për panik, Rama asnjëherë nuk është shfaqur si tifoz i Shkodrës, as në sport.
