Nga Qamil Gjyrezi
Lajmi për arrestimin e ish-kryeministrit bullgar Bojko Borisov dhe e bashkëpunëtorëve të tij të afërt është këmbanë për ish-kryeministrat shqiptarë në 30 vite dhe aferat e tyre korruptive.
Bullgaria është anëtare e BE-së dhe drejtësia e unionit ka fuqi ligjore për të ndaluar dhe vënë pas hekurave ata politikanë që shpërdorojnë paratë publike të BE. Prandaj politikanët tanë, kryesisht “trekëndëshi i Bermudës” bën sikur kërkon celjen e negociatave dhe në të vërtetë nuk i intereson integrimi në BE, se do të thotë fundi i aferave të tyre korruptive.
Privatizimet korruptive mbas viteve 90-të, ndihmat humanitare të vëndeve europiane, firmat piramidale, privatizimi i Armos, afera e Cez-Dia, sulmet e Gazprom kunder TAP-it, vjedhja e arit në Krrabë, aferat e armëve të Gërdecit, privatizimet e sektorëve strategjikë, afera e Inceneratorëve, shkatërrimi i bujqësisë shqiptare e një seri skandalesh korruptive janë prova të bollëshme për ti dërguar pas hekurave kryeminsitrat shqiptarë në 30 vite. Të gjitha këta afera janë mbështetur nga fondet europiane dhe politikanët tonë I kanë përdorur për përfitime personale.
Reforma ne drejtësi SPAK, kanë prova të bollëshme për të vënë në bankën e të akuzuarve kryeministrat shqiptarë dhe bashkëpunëtorët e tyre. Media dhe shoqëria shqiptare, intelektualët duhet të mbështesin fort institucionet e drejtësisë së pavarur, mbasi paguhen për këtë punë dhe kanë mbështetjen e faktorit ndërkombëtar SH.B.A.-BE.
Në 30 vite të gjithë politikanët shqiptarë të majtë e të djathtë, kanë lidhjet tyre të dukshme dhe të padukshme shpesh në bashkëpunim me krimin e organizuar, duke shpifur për njëri tjetrin mendojnë ta shtyjnë sa më gjatë tymnajën e tyre 30 vjecare. Një komentues në FB shkruan: Është shumë e trishtueshme që shqiptarët duhet të durojnë këtë farsë.
Rama ia hedh fajin Berishës për çdo problem, ndërsa Berisha fajëson Ramën, ndërsa të dy ndjekin doktrinën e Ramiz Alisë. (V.M.D)
Një situatë e tillë politike dhe ekonomike, ka sjellë varfëri të tejskajshme dhe pasiguri për të ardhmen. Me këtë model politik në 30 vite të mbështetur edhe nga qarqe antikombëtare dheanti perëndimore, Shqipëria nuk do të ketë të ardhme.
Prandaj drejtësia e pavarur dhe intelektualët e të gjithë partive, kryesisht të rinjtë duhet të reagojnë për këtë situatë kaotike e cila i detyron shqiptarët të largohen nga Shqipëria dhe realizon atë që quhet teoria e “Depopullimit” e Shqipërisë. Situata në Ukrainë dhe kriza botërore ndikon edhe në të ardhmen dhe stabilitetin e Ballkanit perëndimorë dhe Kosovës. Klasa politike shqiptare, të majtë e të djathtë duhet të nxjeërrin konkluzione nga situata të tilla dhe institucionet e sigurisë kombëtare duhet të jenë më patriotë dhe të përgjegjshëm për të parandaluar cdo destabilizim të mundshëm të Shqipërisë, Kosovës dhe Ballkanit. Duhet të “varen për veshësh”, të izolohen me të gjitha format ligjore, të gjithë ata politikanë në Shqipëri, të cilët janë kundër interesave kombëtare dhe perëndimit, BE, SH.B.A.
Në këtë kontekst edhe në situatën e krijuar në PD, kanë gisht ish-drejtuesit e lartë të shtetit dhe bashkëpunëtove të tyre.
Kam besim se demokratët e vërtetë do të bashkohen dhe do të punojnë për një opozitë të fortë pro-perëndimore dhe që do të mbështesi integrimin e vendit, luftën kundër korrupsionit dhe drejtësinë e pavarur. Kam besim mbas cdo krize politike dhe situatave të jashtëzakonshme sic është lufta në Ukraninë, Europa dhe bota do të nxjerri konkluzione për të ardhmen e njerëzimit.
Neve shqiptarët, të majtë e të djathtë duhet të mendojmë dhe punojmë për një Shqipëri më të mirë dhe të begatë.
