Gazetari Milaim Zeka, u shpreh se protesta e ish- Kryeministrit Sali Berisha me përkrahje të Kosovës, ishte një gënjeshtër, ndërsa ka shtuar se qëllimi i protestës ishte për të marrë selinë e PD.
Në një intervistë për Ora News, Zeka teksa ka folur për situatën e tensionuar në Shqipëri, shprehet se Lulzim Basha nuk duhet të qëndrojë më në zyrat e selisë blu, pasi sipas tij ai është shkarkuar me referendum.
Milaim Zeka: Gazetat serbe shkruanin sot se ish-kryeministri shqiptar Sali Berisha i ka kërkuar 100 burra Ramush Haradinajt, në Tiranë që t’i dalin përballë Vuçiç, dhe të gjithë e kuptojnë se kjo është një gënjeshtër e kulluar. Gënjeshtër 100% e kulluar është edhe iniciativa e Berishës për të organizuar gjoja një protestë kundër Vuçiç me përkrahje të Kosovë. Qëllimi i kësaj proteste ishte marrja gati gati me dhunë e selisë së PD ku qëndronte Lulzim Basha, i cili de fakto nuk duhet të qëndrojë më në ato zyra, sepse juridikisht dhe moralisht, pas referendumit Basha nuk është më kryetar i PD. Ai është i shkarkuar dhe nuk ka asnjë legjitimitet, përpos të qenurit deputet i thjesht i kësaj partie.
Ndër të tjera Zeka thotë se politikanët nuk duhet të traumatizojnë brezat e rinj me fjalimet që mbajnë për interesat e tyre politike. Sipas Zekës politika po ‘terrorizon’ të rinjët, që si pasojë e kësaj zgjedhin të largohen.
Milaim Zeka: Prandaj të gjitha këto marrëzira ballkanike, kanë një emërues të përbashkët, gënjeshtrën përpara turmave të veta. Po të flasësh me serbët shprehen se janë populli më i përndjekur ballkanik, janë të deskriminuar, por në fakt janë serbët që kolektivitet që kanë kryer gjenocid në Bosnje, në Kosovë, dhe në Kroaci.
Serbët janë i vetmi populli në kontinentin evropian që mbi kurrizin e tyre mbartin gjenocidin kolektiv. 98% prej tyre kanë përkrahur luftën e Millosheviçit. Të njëjtën retorikë përdorin dhe shqiptarët. Këto marrëzira duhet të ndalen njëherë e përgjithmonë. Nuk duhet që për interesat tona politike të traumatizojmë brezat e rinj, të cilët si pasojë e këtij terrori psikologjik që ia bëjnë fjalimet e Edi Ramës, Sali Berishës dhe Albin Kurtit, dhe të tjerëve, të rinjtë në Shqipëri, Kosovë dhe Maqedoni kanë vetëm një ëndërr, ëndrrën e largimit përfundimtar nga trojet e tyre.
Përsa i përket nismës “Ballan i Hapur, Zeka u shpreh: “Open Balkan’ nuk paraqet asnjë rrezik, për Shqipërinë, Kosovën, Maqedoninë dhe Malin e Zi.
Për Zekën i vetmi rrezik që e paraqet ‘Open Balkan” është rreziku i faktorit serb në Ballkan.
