Nga Dr. Hasan Bello
Një nga praktikat e njohura të regjimeve komuniste ishte ndryshimi i emrave të qyteteve. Kjo praktikë filloi në Bashkimin Sovjetik kur disa nga qytetet kryesore morën emrat Leningrad, Stalingrad etj. Në vendin tonë ky fenomen, megjith përpjekjet e bëra nuk ngjiti sa duhet. Kështu, në vitin 1950 Kuçovës iu vendos emri qyteti Stalin, të cilin ajo e mbajti deri më 5 janar 1991. Ndërsa Tropojës iu vendos emri Bajram Curri si përkujtim i këtij patrioti me tendenca revolucionare. Por një përpjekje e tillë në vitin 1955 u bë edhe për qytetin e Pukës, të cilit me rastin e ardhjes së eshtrave të poetit Millosh Gjergj Nikolla u kërkua që t`i vihej emri Migjeni. Drejtoria e Drejtorisë së Agjitacion dhe Propagandës në Komitetin Qendror Nexhmije Hoxha i shkruante Komitetit të Partisë së Shkodrës që për këtë qëllim të zhvillonte konsulta me pukianët. Por nga ana tjetër, për të evituar keqkuptimet dhe pakënaqësinë e popullit, ajo jepte udhëzimin se meqenese ai nuk e njihte mirë Migjenin dhe nese nuk e priste mirë këtë veprim, nuk ishte e domosdoshme që të bëhej ky ndryshim.
Kjo marri e autoriteteve të kohës, me pak përjashtime, nuk vijoi. Ne memorien kolektive këto qytete vazhduan te thirreshin me emrat e vjetër. Ndërsa disa fshatrave të Shqipërisë së Jugut, iu vendosën emra të dëshmorëve të luftës, ose të heronjve të Sigurimit të Shtetit, të cilët vazhdojnë t`i mbajnë edhe sot.
