Nga Ilir ALLKJA, mjek
Gjatë gjithë vitit 2020 kam denoncuar me zë dhe figurë në disa TV-të lira, keqmenaxhimin e pandemisë nga qeveria.
Unë ngrita zërin për mungesat në mjete mbrojtëse, testimet e pamjaftueshme, mungesën e protokolleve në trajtimin e të sëmurëve, mungesën të kapaciteteve spitalore, të sëmurët rëndë që rrinin në orë ambulanca para spitale, përdorimin pa kriter të antibiotikëve, mungesën e trajnimeve për stafet mjekësore, pasigurinë për vendin e punës e shumë të tjera.
Këshillat e mija por edhe të ndonjë mjeku që guxoi të flasë publikisht, nuk u morën parasysh, ndërkohë që qeverria mburrej me propagandë mbi të sëmurët e të vdekurit në spitale.
Sot lexova raportin të Kontrollit të Lartë të Shtetit, në lidhje me pandeminë e Covid-19 që konfirmon gjithë batërdinë që ka ndodhur në Shqipëri.
Mua më flakën në rrugë vetëm e vetëm pse kërkova të shpëtoheshin më shumë jetë shqiptarësh, ndërkohë që çdo fjalë e imja e deklaruar nëpër TV është e vërtetuar nga çdo familje shqiptare por tashmë edhe nga raporti i KLSH.