Komuniteti shqiptar në Itali, tashmë pas tre dekadash ia kalë të afirmohet si një potencial i fuqishëm human duke dëshmuar qasjen e shpejtë integruese dhe vlerat e tij civilizuese. Shumë shqiptarë, janë bërë pjesë integrale, jo vetëm e rrjedhës normale, por tani synojnë edhe katapultimin në sferat e politikës dhe të përfaqësimit.
Një shembull i tillë është duke e dhënë ish-deputeti karizmatik i Kuvendit të Shqipërisë në vitet 2015-2017, Eduart Ndocaj, i cili përpos suksesit në fushën e sipërmarrjes private, duke shkëlqyer si një menaxhues dhe biznesmen, po provon në vendin fqinj të Apenineve dhe sferën e politikës, ku së fundmi është angazhuar me njërën prej partive parlamentare, konkretisht me subjektin “Frateli d’Italia“ për të dhënë kontributin real si një faktor i padiskutueshëm në radhët e komunitetit të shqiptarëve.
Ditën e sotme, “kaubojsi“ u shfaq në një tubim me mbështetës të kësaj partie, organizuar posacërisht për shpalosjen e një platforme që synon gjithëpërfshirjen dhe shtrirjen në kapilarët e popullatës italiane, pa dallime kombësish dhe besimesh. Në takimin e organizuar, ku Ndocaj është shfaqur në mbështetjen e kandidatit për kryetar bashkie të Milanos dr. Luca Bernardo dhe kandidatit për këshilltar, biznesmenin Enrico Marcora, u trajtuan problematika të integrimit të shqiptarëve në Lombardi dhe më gjerë, si dhe u hap perspektiva e zgjidhjeve për një sërë cështjesh që kanë shqiptarët në lidhje me shërbimet sociale. Interes të vecantë për shqiptarët që jetojnë dhe punojnë në Itali, paraqet problematika e pensioneve, për të cilat “Frateli d’Italia“ jep opsionet e zgjidhjeve konkreteve.
Politikat e turizmit dhe të shkëmbimeve kulturore janë një tjetzër aspekt i rëndësishëm programor për këtë parti, e cila synon të maksimalizojë votat e saj.
Për këtë është menduar dhe krijimi i forumeve gjithëpërfshirëse, përmes krijimit të degëve politike përkatëse. Z. Eduart Ndocaj, u propozua të jetë president i këtij forumi për Lombardinë, që do të shërbejë si ndërmjetës i partisë “Frateli d’Italia” dhe komunitetit të shqiptarëve.
Partia “Frateli d’Italia“ e kryesuar nga Giorgia Meloni ka objektiva konkretë dhe një program ambicioz në lidhje me komunitetin e shqiptarëve, ndaj dhe kjo parti ka hedhur vështrimin drejt këtij komuniteti, duke synuar maksimalizimin e votës dhe përfaqësimin e saj denjësish në parlamentin italian.