Basha doli sot para gazetarëve dhe foli. Foli për raportin e OSBE-ODHIR,një raport që ka pranuar dhe ka thënë ca të vërteta të njohura për.zgjedhjet e 25 prillit. Nuk tha asgjë për mënyrën se si do të reagojnë demokratët pasi mësuan se masakra zgjedhore nuk ishte thjesht një hipotezë,por një fakt që zhbën zgjedhjet. I zhbën?! Nejse,kjo është një temë më vete brënda kësaj teme. Basha foli sot për të hequr paralelet mes qëndrimeve zyrtare opozitare dhe raportit final të organizmave ndërkombëtare.
Po a ishte kjo ajo çka donin të dëgjonin shqiptarët në përgjithësi dhe demokratët në veçanti?A vlen të themi që ne i kemi thënë këto që thotë raporti? Unë them se jo. Demokratët duan të dinë se si do të sillet PD me këto zgjedhje nga pikëpamja institucionale dhe si do të reagojnë demokratët ndaj këtij pushteti ilegjitim? A do të ketë një gjysmanjohje të zgjedhjeve dhe betejë parlamentare,apo mosnjohje të zgjedhjeve dhe thirrje për protesta?
Pra,për sa kohë demokratët nuk janë në qeverisje atëhere duhet të dinë objektivat opozitare, të jenë të qarta dhe jo të formëzuara sipas rastit. Pavarësisht raportit dhe konsideratat e tij për zgjedhjet,është fakt që Edi Rama dhe shpura e tij rilindase vazhdon të qeverisë e qetë,dhe ajo çka mund dhe duhet të bëjë opozita është që të mos e lërë të qeverisë e qetë.
Edhe në kushte normale detyra e opozitës është të kërkojë rrëzimin e qeverisë,ca më shumë në kushte ekstreme kur zgjedhjet kishin një barrë probleme e që me shumë gjasa do të kenë të njëjtat probleme edhe zgjedhjet e tjera sa kohë do të jetë i njëjti kryeministër dhe e njëjta qeveri e dalë nga krimi dhe abuzimi që do i përgatitë.
Pse duhet të besojmë de do të bëhen më të mirë? Basha doli sot dhe foli gjatë për kremastarin që i serviri OSBE-ODHIR ku do të varë kostumin opozitar për katër vitet që vijnë.
PS: Do më kishte pëlqyer që Basha apo dikush nga selia qëndrore të kishin një reagim edhe për dorëheqjet në Korçë,apo le ç’e do?
