Mërgimtar
Mos më qani e mos më qeshni,
shpirt baltosur, zemër fundosur,
i pashpresë e i thërrmuar,
me miken vetminë shoqëruar.
I mallëngjyer nga paprania,
me lot përshkruar tokë e det,
tok’ së bashku.
Se kam ikur larg mërguar,
sy e zemër lënë peng,
në haberin që kurrë se pat’ fat të shkruar.
Dhëmbë gjakosur e trup pa gjak,
shpirt i tharë e jetë e pa jetuar,
mbetur larg nga i imi vend,
për jetë mërguar.
|Rovena Dokollari|