Nga Vendim DEMAJ
Edhe pas 8 vitesh Partia Demokratike, pas zgjedhjeve të 25 Prillit, e sheh veten përsëri në opozitë dhe jo fituese e tyre, ashtu siç duhet të ishte dhe siç shpresonte çdo shpirt i lirë demokrati.
Por kjo gjë u ka shkuar për shtat disa ish skënderbegsave, ish drejtorëve të bashkisë dhe disa bashkëpunëtorëve mercenar të regjimit Rilindas, të cilët të mësuar me ofiqe, duan të jenë drejtuesit e kupolës pa asnjë lloj kontributi politik.
Do ishte e udhës që kjo kategori përfituesish përpara se të flasin dhe të kërkojnë llogari për humbjen e PD-së duhet që t’i tregojnë opinionit, anëtarësisë dhe simpatizantëve të PD-së:
• Cili ishte kontributi i tyre në këto zgjedhje?
• Cila ishte zona e tyre dhe sa aktivë ishin në fushatë për të ndihmuar PD-në që të vinte në pushtet ?
•Ku dhe si votuan këta/këto dhe familjarët e tyre?
Po ashtu pyetjet janë dhe për ne demokratët që i lejojmë dhe tolerojmë këta parazit më mesin tonë;
• A është faji ynë dhe i të gjithë atyre pak fituesve të këtyre zgjedhjeve që nuk kemi kërkuar largimin e këtyre sabotatorëve nga çdo nivel drejtues i PD-së?
•Edhe sa surpriza të hidhura duhet të përjetojmë nga këto soje vertebrorësh që ne të mbushemi mend ?
?Në këto zgjedhje pavarësisht blerjes, presionit dhe manipulimit shtetëror,
Partia Demokratike kishte një rritje të konsiderueshme votash krahasuar me zgjedhjet e kaluara por kjo nuk ishte e mjaftueshme për ardhjen e saj në pushtet, pasi jo të gjithë strukturat e partisë u angazhuan me përkushtim dhe seriozitet për të sjellur ndryshimin.
Tashmë dihet dhe ska asnjë dilemë që pushteti i kriminalizuar përdori makinerinë shtetërore policinë dhe bandat për të shantazhuar, terrorizuar dhe blerë votuesit shqiptar, por përballja e shtukturave dhe kandidatëve për deputet të Partisë Demokratike dhe Opozitës me këtë makineri kriminale, nuk ishte kudo serioze dhe e vendosur, siç ishte në zonat ku Partia Demokratike fitoi edhe pse terrori dhe shitblerja e votës ishte e njëjtë me zonat humbëse,
prandaj u bëj thirrje të gjithë atyre humbësve që #qurraviten nëpër ekrane dhe rrjete sociale dhe më shumë propogandojnë për të justifikuar humbjen dhe angazhimin e tyre të dobët,
sesa për të mbledhur fakte dhe demaskuar krimin e ndodhur elektoral,
duhet që të ndalojnë këtë #fushatë_justifikimi, sepse populli dhe anëtarësia opozitare e ka shumë të qartë angazhimin dhe kontributin tuaj.
Shit-blerja e votës nuk ka qenë provinciale, ky fenomen ka qenë i shtrirë në 28 mijë km² të Shqipërisë, por nuk kishte të njëjtin efekt në ato zona ku angazhimi i strukturave dhe kandidatëve të PD-së ishte i vendosur dhe serioz në përballjen me bandat shtetërore
ku faktet post-zgjedhore flasin vet për këtë, pasi milionat e €urove dhe terrori shtetëror nuk arritën të thyenin vendosmërinë e banorëve të qarqeve Kukës,Dibër,Lezhë dhe kështjellës Blu Kamëz për të votuar ndryshimin,
sepse këtu strukturat dhe kandidatët u treguan të vendosur dhe fushatën nuk e bënin me selfi apo zoom nga facebook-u por ishin në terren rrugë më rrugë dhe derë më derë.
Prandaj ditët në vazhdim duhet që strukturat e PD të bëjnë një skanim të hollësishëm të situatës zgjedhore duke dërguar përgjegjësitë tek cilido që nuk ka dhënë kontributin e duhur, pasi askush nuk mund të fshihet pas gishtit dhe të shkarkoj përgjegjësinë tek lidershipi i partisë.
Poashtu atyre parazitëve, bukëshkalë, përfitues intrigant që janë vërsulur duke mallkuar dhe goditur me gurë PD-në dhe z. Basha, u duhet treguar që vendi i tyre është tek mejhanja e Rilindjes, atje ku janë ushqyer dhe kanë shërbyer.
sepse demokratët nuk mund dhe nuk do të lejojnë disa të paudhë të përçajnë shtëpinë tonë të lirisë, ata/o që në 8 vite opozitë nuk janë marr një herë me regjimin e krimit dhe drogës, por kanë sulmuar sistematikisht më keq se Rilindja, Partinë Demokratike dhe kryetarin Basha.
Beteja jonë tashmë duhet të vazhdojë jo nga tv dhe rrjetet sociale, por në rrugë dhe sheshe ku terrorin dhe krimin duhet t’i djegim në tym dhe flakë,
përndryshe qëndrimi në pacifizëm do i zgjas jetën regjimit #Asadian të sundimtarit të Surrelit.
