“Më 25 prill votohet për familjet e çdo shqiptari, për secilin nga ne, pasi vetëm kështu Shqipëria fiton”, me këtë thirrje iu është drejtuar sot, mbështetësve të tij në Farkë, kandidati i “Aleancës për Ndryshim”, z. Petrit Doda, i cili vjen në këtë garë elektorale si përfaqësues i Lëvizjes së Legalitetit, dhe që ka mobilizuar qindra qytetarë në mbështetje të tij, duke dëshmuar se është një kandidaturë, sa dinjitoze aq dhe potenciale.
Me kredenciale të mëdha dhe me një reputacion të madh në fushën e biznesit, kandidati Doda, duket se suksesin e tij në siëpërmarrje, kërkon ta transformojë në energji të politikbërjes, duke rritur ndjeshëm entuziasmin e këtij subjeti politik për përfaqësim në Kuvendin e Shqipërisë.
I maturuar në argumentet dhe trajtimin politik të situatës, Doda gjatë bashkëbisedimit me mbështetësit e tij, ka nënvizuar se, tani ka ardhur koha që shqiptarët të mendojnë për atë që u bën më shumë punë, ndaj dhe vota për “Aleancën për Ndryshim” është domosdoshmëri për ecjen para të Shqipërisë në rrugën e reformave ekonomike, si dhe daljen nga kriza në të cilën është zhytur.
“Arritja e këtij qëllimi, bëhet përmes votës plibishitare, duke marrë pjesë masivisht ën zgjedhje, si dhe duke e orientuar votën e tyre drejt kandidtëve që japin garancitë e duhuara për mbështetjen e projekteve dhe strategjive zhvillimore, duke mos lënë në harresë interesat e qytetarëve, ndaj dhe zotohem para jush, se unë do jem një zë i fuqishëm në parlamentin e pas datës së 25 prillit, duke qenë gjithnjë në anën e interesave tuaja”, përfundoi Doda bisedën e tij.
Gjatë bashkëbisedimit pati pyetje dhe sugjerime për disa aspekte të ndryshme të rolit të Legalitetit në koalicion si dhe u ngritën disa problematika që morën përgjigjen e Z. Doda.
Në fund, të pranishmit në takim dhanë mbështetjen dhe premtuan një solidarizim mbarëqytetar për kandidatin Petrit Doda, duke qenë kështu mjaft entuziastë për vlerat dhe cilësitë që ai mbart.
Postimi i z. Doda:
