Drejtuesi politik i Partisë Demokratike në qarkun Shkodër, Helidon Bushati, përmes një postimi në Facebook, kujton masakrën komuniste të 11 Marsit 1948 ku dhuna e pushkës së diktaturës pushkatoi 16 të pafajshëm, 4 prej të cilëve klerikë.
“Dom Frano Gjini, At Mati Prennushi, Dom Nikolle Deda, At Çiprian Nika, Cin Serreqi, Dulo Kali, Cuf Dragusha, Guljem Suma, Ing Fahri Rusi, Murat Hysen Haxhija, Bilbil Hajmi, Pjeter Prendush Pali, Gasper Simon Gaspri, Xhelal Hardolli, Zef Kole Prela dhe Rasim Gjyrezi janë shembulli kur thirrja për liri e një kombi vlen më shumë se jeta e një personi“, shkruan ndër të tjera Bushati.
Postimi i plotë i Helidon Bushatit:
Si sot me 11 Mars të 1948, dhuna e pushkës së diktaturës komuniste, si gjuha e vetme ndaj çdo reagimi opozitar, pushkatoi 16 të pafajshëm, 4 prej të cilëve klerikë.
Dom Frano Gjini, At Mati Prennushi, Dom Nikolle Deda, At Çiprian Nika, Cin Serreqi, Dulo Kali, Cuf Dragusha, Guljem Suma, Ing Fahri Rusi, Murat Hysen Haxhija, Bilbil Hajmi, Pjeter Prendush Pali, Gasper Simon Gaspri, Xhelal Hardolli, Zef Kole Prela dhe Rasim Gjyrezi janë shembulli kur thirrja për liri e një kombi vlen më shumë se jeta e një personi.
I morën jetën sepse një diktaturë asgjë nuk e tmerron më shumë se liria.
Papajtueshmëria e tyre me të keqen duhet të na shërbejë edhe sot si leksion se ëndrrën e një populli për prosperitet nuk ka regjim që e ndal, sado t’i lajë duart me gjakë e dhunë.
Kjo nuk mund të jetë vetëm një kujtesë historike, por edhe një apologji e sotme se ëndrra e tyre për një Shqipëri të lirë ende nuk është përmbushur.
Është detyrë e jona që kapitulli i errët që mbylli edhe jetët e tyre, të mbyllet përgjithmonë. Asnjë xhelat i djeshëm nuk mund të jetë shenjtor i sotëm.
