Qëndroni tek alternativa opozitare!

Nga Erges ESKIU

Qendroni tek alternativa opozitare.

Qendroni tek alternativa opozitare dhe nëse dëshironi ndryshimin, shpërndajeni alternativen e saj.

Të qeshësh me pushtetin e pushtetarët sot veç rrezikon. Të qeshësh kur vendi ka nevojë edhe për ty, është e rezikshme!

Të gjithë bashkë mund ta bëjmë Shqipërinë.

Shqipëria bëhet me shqiptar, me Ne, duke bashkëpunuar.

Pushteti po luan vetëm dy karta sot:

E para të korruptojë votuesit, pasi janë vetë të korruptuar dhe e mendojnë çdo njeri, si një mall tregu, që mund të blihet dhe shitet sa herë të ketë nevojë pushteti. Nga ana tjetër nuk kanë fuqinë mendore të prodhojnë diçka pozitive për njerëzit, ndaj mendojnë vetëm si t’i manipulojnë këta të fundit.

E dyta po luan kartën e të ngriturit të mjegullës. Të relativizojë, të ngrejë diskutime shterp, të prodhojë miniskandale, të bëjë deklarata të pahijshme për zyrtarë shtetërore, që njerëzit të merren me ta dhe jo me opozitën, qoftë edhe duke i sharë e mallkuar sepse në këtë mënyrë votuesit shtensionohen duke e zbrasur tensionin si në stadiume apo bërë humor, por njëkohësisht ngaqë nuk ngelet kohë të dëgjojnë opozitën, gabimisht mendojnë më pas se nuk ka alternativë.

A do ia dalin të frenojnë humbjen? Normalisht jo, por një këshillë miqesore dua ta jap sot:- Nëse doni ndryshimin atëherë flisni rreth alternativës opozitare, shpërndajeni atë.

Vetëm duke u bërë çështje dite dhe diskutimi opozita, Shqipëria fiton!

Në çdo familje, në çdo rrjet social, në çdo rrugë a kafene, mënyra për të mundur pushtetin është të flitet për e mbi opozitën. Harrojeni rilindjen! Fajet e saj do i gjykojë drejtësia pas 25 prillit.

Alternativa opozitare, që lë lekë në xhepat tuaj, për t’i administruar ju vetë, me mirë se qeveria.

Alternativën, që na bënë të gjithëve bashkë të paguajmë më pak për çmimin e dritave dhe të ujit.

Alternativën, që na bën të paguajmë më pak litrin e karburantit e sigurisht edhe çmimet e shportës.

Alternativën, që ka në vëmendje pacientin dhe mjekun në politikën shëndetsore dhe jo atë, që përpiqet të vendosë në konflikt këta dy aktor të rëndësishëm.

Alternativën, që zotohet të investojë për rininë, që të rinjtë tanë të mos largohen nga familjet e tyre, por ta ndërtojnë jetën këtu dhe të zhvillojnë vendin.

Alternativën, që zotohet të investojë në inovacion, në kërkim shkencor si e vetmja rrugë për të zhvilluar Shqipërinë tonë.

Alternativën, që zotohet të rrisë rrogat e mjekëve, infermierëve dhe mësuesve si mjeti kryesor për të zeruar korrupsionin në shëndetësi dhe të përmirësojë cilësinë e shërbimit në shëndetësi dhe arsim.

Vetëm duke e lënë jashtë vëmendjes pushtetin, fiton Shqipëria!

E ardhmja është e jona!

Bashkë me Partinë Demokratike ne do i japim vendit shpresë.

Në 25 prill votoni për më shumë para në xhepat tuaj, për shërbim shëndetësor më të mirë dhe me më pak kosto, për inovacionin, për rendin publik, për integrimin në BE.

25 prill Shqipëria Fiton.