Sekretari i Përgjithshëm i Partisë Demokratike, Gazment Bardhi, e cilësoi si “të turpshme dhe të dëmshme” përgjigjen e kryeministrit Edi Rama ndaj kërkesës së SHBA-ve që partia e tij të mos përfshijë kriminelë në lista të shprehur përmes ambasadores Yuri Kim.
“Partitë nuk janë drejtori policie, por verifikojnë sipas ligjit dhe sipas ligjit i kemi bërë verifikimet gjithmonë. Nuk kemi ndërmend të ngremë salla torturash në selitë e partive, nëse dikush fsheh diçka.”, tha Rama.
Të gjitha deklaratat e ambasadores, lidhen me faktin se elementë të krimit të organizuar kanë arritur në të shkuarën të depërtojnë në Kuvendin e Shqipërisë. Madje edhe në zgjedhjet e fundit lokale, të cilat opozita i bojkotoi pati sërish persona me rekorde kriminale.
“Paralajmërim: Ndërsa partitë përgatiten për zgjedhjet, udhëheqësit do të mbajnë përgjegjësi për ata që garojnë nën flamurin e tyre. Ju lutemi kontrolloni kandidatët tuaj – mos fyeni votuesit, mos minoni demokracinë, mos promovoni korrupsionin”, kjo është një prej deklaratave më të drejtpërdrejta të Kim lidhur me këtë çështje”, tha Kim.
Bardhi thekson, se me deklarimet e tij, Rama turpëroi dhe dëmtoi statusin ndërkombëtar të Shqipërisë.
Postimi i plotë i Gazmend Bardhit:
Përgjigja e Ramës ndaj kërkesës së SHBA-ve që partia e tij të mos përfshijë kriminelë në lista- është e turpshme dhe e dëmshme. Edhe një herë Rama e turpëroi Shqipërinë dhe dëmtoi statusin e saj ndërkombëtar.
Pas 8 vitesh në të cilat Rama shkatërroi ekonominë dhe vendin tonë, tani ai po shkatërron edhe marrëdhëniet tona me Shtetet e Bashkuara të Amerikës dhe Bashkimin Evropian.
Për të sjellë ndryshimin dhe një të ardhme më të mirë në Shqipëri, ne duhet të largojmë Ramën – dhe kjo është pikërisht ajo që populli shqiptar do të bëjë në 25 Prill!
Gazment Bardhi
Përgjigja e Ramës ndaj kërkesës së SHBA-ve që partia e tij të mos përfshijë kriminelë në lista- është e turpshme dhe e dëmshme. Edhe një herë Rama e turpëroi Shqipërinë dhe dëmtoi statusin e saj ndërkombëtar.
Pas 8 vitesh në të cilat Rama shkatërroi ekonominë dhe vendin tonë, tani ai po shkatërron edhe marrëdhëniet tona me Shtetet e Bashkuara të Amerikës dhe Bashkimin Evropian.
Për të sjellë ndryshimin dhe një të ardhme më të mirë në Shqipëri, ne duhet të largojmë Ramën – dhe kjo është pikërisht ajo që populli shqiptar do të bëjë në 25 Prill!
