Një histori, pothuajse e denjë për Hollywood-in, është transmetuar ditën e djeshme në emisonin “Shqipëria Live”, ku një çifti rom në Lezhë i ka “trokitur” e pabesueshmja, pasi janë detyruar të rrisin një fëmijë që të braktisur nga e ëma e tij.
Ngjarja e treguar, rrëfehet përmes personazheve të ndryshëm, të cilët e trajtuan në këndvështrime humanitare, sociologjike dhe psikologjike, duke nënvizuar rolin inekzisten të shtetit shqiptar dhe të institucioneve në vlerësimin e rasteve të tilla.
I ftuar në emision, ish-deputeti lezhian Eduart Ndocaj, ka pohuar mbështetjen e tij për këtë çift, që me shumë sakrifica po e mbajnë prej dhjetë vitesh këtë fëmijë, por ka apeluar fuqishëm për vëmendjen e shtuar të hallkave qeverisëse dhe të institucioneve përgjegjëse, duke pohuar se ndihma duhet të konsistojë në shumë aspekte, pasi përveç nevojës ekonomike, djali dhjetëvjeçar ka nevojë pë arsimim dhe mbështetje të vazhdueshme.
Eduart Ndocaj, është një nga ish-deputetët e vetëm që jep mbështetje financiare për kategori të ndryshme vulnerable, duke afirmuar humanizmin e tij të vazhdueshëm. Jo më kot, “kaubojsi” ka një popullaritet të madh tek shtresat e varfra të shoqërisë, pasi gjithnjë u është gjendur pranë në nevoja.
