Nga Bujar VRETO, Kryetar i PD, Librazhd
30 vjet më parë lindi në përballje me terro-komunistët gazeta e parë opozitare “Rilindja Demokratike”. Mirënjohje për gazetarët dhe drejtuesit e RD-së që me guxim, mposhtën frikën dhe përqafuan lirinë. Unë nuk mund të jem krenar me secilin prej tyre sepse disa e braktisën kauzën e lirisë dhe shtypit të lirë duke u bashkuar me bijtë e atyre që për 50 vjet kishin shkatërruar pronën, familjen dhe ndjenjën kombëtare.
Ne nuk arritëm të qeshim kur zemra gëzonte nga liria, ne nuk u investuam të fitonim respektin e njerëzve inteligjentë në disa raste as dashurinë e fëmijëve. Historia 30 vjecare ka treguar se gazetar, politikanë e njerez të sfidave publike pa fituar vlerësimin e kritikëve të ndershëm nuk mund të kryejnë misionin e tyre por predispozita është të kthehen në tutore duke e shtypur opozitën dhe popullin me thundrën e rëndë që administrojnë nga pushteti (fakti konkret nga të paudhët që sot drejtojnë vendin me vota te vjedhura).
Duhet të durojnë tradhtinë e shokëve falsë por edhe kur kopilat vihen në sulm për të rifituar ofiqet e humbura me anë të mashtrimit, shpifjes e formave të tjera që vetem ata si batakcijë dinë ti bëjnë. Ne kemi dëgjuar dhe përjetuar çdo ditë prej 8 vitesh, fjalët dhe veprimet e kryemafiozit ed-ver, sa turpshëm sillet me gazetarët, analistët dhe sa shëmtuar vepron me miratimin e ligjeve në parlament për të burgosur fjalën e lirë për të delegjitimuar, frikësuar dhe dobësuar editorialin alternativ.
A thua se ky halucinant është në atë karrige për te shkatërruar opozitën dhe marrjen peng te fjalës së lire, apo për të mbajtur premtimet e bëra për përmirësimin e jetës të qytetarëve duke ju dhënë mundësi të jetojnë këtu dhe jo të marrin cantat e të ikin rrugëve të botës. Udhëheqësia shpitërore, duhet te prevalojë në vlerësimin e bukurisë, të gjejë më të mirën te të tjerët dhe te lënë ambjentin ku kontribon dhe paguhesh nga taksat e qytetarëve pak më të mirë seç ishte, qoftë kjo me një dokumentacion perfekt, me një zgjidhje të cështjeve emidjate, ose një rrethanë sociale të shpenguar.
Me punën tonë ti mundësojmë dikujtë një jetë pa vuajtje vetëm sepse kemi qënë aty dhe nuk jemi udhëhequr nga mahnia e syrit nga xhepat por nga shërbesa dhe misioni njerzor.Historia ka treguar se njerzit e ndershëm në funksione partiake, institucione publike e gazetari, gjithmonë mendojnë para se të bëjmë një ndryshim të rëndësishëm,se sa do të pendohemi përpara se të bëjmë atë që duam të bëjmë?
Por kur kthejmë kokën pas, shohim se gjërat për të cilat pendohemi më shumë janë ato që nuk kemi bërë dhe per gjërat që kemi bërë nuk shqetësohemi shumë, edhe nëse i kemi bërë gabim sepse do t’i rregullojmë gjatë kohës. Shpesh herë nuk kemi bër atë që duhet në kohën e duhur duke humbur ato momente të arta vetëm nga frika për të guxuar.
Të jesh i guximshëm nuk do të thotë të mos kesh frikë, në fakt është e kundërta. Njerëzit e guximshëm nuk janë të patrembur; ata thjesht kanë gjetur diçka që ka më shumë rëndësi sesa frika.Une, kthej koken gjithmone pas! Jo për të mbuluar gabimet por për ti korigjuar ato. Kur kujtoj dhjetorin e pare 1990, duke menduar se po të kishim bërë atë që duhet nuk do mendonim për dhjetor të dytë apo të kishin guxuar dhe tentonin bijë e etërve, sërisht për diktaturën që është në prag.
Po të kishim guxuar dhe një hap, në Shqipëri do ishte kthyer prona, do ishin rehabilituar shtresat sociale, do ishte stabilizuar ekonomia me të ardhura mesatare e të larta dhe nuk do mendonte jo më të guxonte kush të sillej si sheik në drejtimin e qeverisë, pra do ishim integruar ne Bashkimin Europian me dinjitet dhe paritet.
Hija e zhgënjimit (1990) do më ndjeke gjithmone nga pas “Ah, sikur..’’Njerëz të lirë, të behemi bashke te rikthejmë të drejtën universale që cdo individ të jetë i lire të shprehë mendimet dhe të reflektojë mbi to kur ka shkelur të drejtën e tjetrit. Liria e fjalës është themeli i demokracisë prandaj nuk duhet të lejojmë censurën nga autoritetet totalitare që po na rrëmbejnë fjalën dhe lirinë.
Duhet të përkushtohemi me vendosmëri, me cdo mjet demokratik, duke u kundërpërgjigjur pa kthyer faqen tjetër dhe të vendosim një standart që nënshtrimin gazetarisë, shprehjes, mediave dhe fjalën e lirë nuk mund ta imagjinosh dhe jo me te prekësh.
Vendi jonë ka përjetuar trauma, pushkatime, dënime, iternime nga etërit gjakatarë të fēlliqësirave që sot drejtojnë vendin, por lirinë e fjales si një e drejtë e njeriut që vendet e civilizuara dhe qytetëruara e kane në themelin e vlerave të tyre, nuk do munden ta rrëmbejnë kurrë lapanjozët e votave të vjedhura, sepse do përballen me reagimin qytetar qe se ka njohur ndonjeher vendi jone.
Do përballen me një votë plebishitare kundër në 25 Prill 2021, ku do triumfojë opozita nën drejtimim e Partia Demokratike dhe liderit z. Lulzim Basha . Kapërceni frikën sepse kauza është më e madhe se ajo.
REALITETI ËSHTË KY..
