Nga Eduart NDOCAJ
A është lajm refuzimi që i bën Kisha Katolike politikës?
Në këto festa ka ndodhur një ngjarje shumë e rëndësishme që po kalon në heshtje mediatike dhe nuk po trajtohet në dimensionet e saj të duhura. Kisha Katolike e Shqipërisë për herë të parë përmes një deklarate ka thënë se: “Krishtlindja është festa e të gjithëve, porveçanërisht e të varfërve dhe e atyre që janë në kufijtë e shoqërisë tonë.
Është ky motiv pse Arkidioqeza Tiranë-Durrës ka vendosur që, në Krishtlindjet e këtij viti, në vend të pritjes zyrtare për pushtetarët, politikanët, ambasadorët e të tjerë, të organizojë një drektë për të varfrit në mjediset e Arkipeshkëvisë Tiranë-Durrës”.
Ky është një lajm shumë i rëndësishëm dhe duhet të marr vëmendjen e duhur nga historianët, politikanët, politologët. Pra, Kisha Katolike refuzon Politikën ashtu si Papa Vojtila refuzojë në kohën e tij Regjimin Komunist. Arsye e distancimit të Kishës Katolike është e thjeshtë: Politika shqiptare ka braktisur të varfrit dhe akoma edhe me keq pasurohet në kurrizin e tyre. Kjo ishte edhe thirrja që bëri Kardinal Ernesti nga foltorja e Parlamentit. Ai kërkojë që deputetët dhe politikanët të heqin dorë nga “zollume” për pasuri e pushtet e të mendojnë për njerëzit e thjeshtë e qytetarët!
Në doktrinën e Kishës Katolike refuzimi zakonisht bëhet për anti-krishtin dhe për të gjitha format e tjera njerëzore që bashkëpunojnë me të ose janë në shërbimin e tij. Mos vallë refuzimi që bën Kisha Katolike vërteton se Politika Shqiptare është “anti-krisht” apo në shërbim të tij? Një gjë është e sigurt se Politika Shqiptare nuk është më në zemrën dhe dashurinë e Kishës Katolike.
Kisha Katolike po tregon edhe një të dhënë tjetër të rëndësishme që po ashtu po kalon pa studime apo thellime të domosdoshme. Kisha Katolike e Shqipërisë në vazhdimësinë e Ambasadorit Lu dhe të faktorëve të tjerë, siç duket ka vendosur të luftojë të keqën e madhe që ka Shqipëria, zullimin e politikanëve për pushtetit pa limit dhe për pasuri të pandershme.
Vendimi i Kishës Katolike është një hap i rëndësishëm dhe mesazhi më i mirë për këto festa të rëndësishme. Shpresoj që vendimi i Kishës Katolike të marr vëmendjen e duhur dhe po ashtu të jetë një arsye e fortë që Politika Shqiptare të reflektojë në rrugën e saj të gabuar.
Eduart Ndocaj
