Nga Elona CASLLI
Ty ” Cub Fejsbuku” që komenton gjithmonë se duhet revolucion, ty dua të të t’i them dy fjalë…
Po kthehesha në shtëpi sot o ” Cub Fejsbuku” që kërkon revolucion. Ishte ora 21.45. Për 15 minuta fillonte shtetrrethimi o ” Cub fejsbuku”. Unë po ecja krejt e qetë dhe pa nxituar, ndonëse mund ta thyeja orën policore.
Prapa kurrizit tim ishin një grup të rinjsh. Nuk ishin më shumë se 20 vjeç. Njëri prej tyre tha- Hajde nxitojmë se na kap policia se ata rrethinat gjuajnë.
Dhe ia plasën vrapit o ” Cub Fejsbuku” ata të rinjtë 20 vjeç. Dhe unë vazhdova krejt e qetë rrugën pa vrapuar ” O Cub fejsbuku”E ai që ia plas vrapit është fëmija yt o ” Cub Fejsbuku”.
Po të ishte fëmija im, o ” Cub Fejsbuku” do të ecte krejt i qetë pranë meje dhe madje do ta nxirrja me qëllim për shëtitje pas orës dhjetë në mbrëmje, për t’i thënë se liria është më e shtrenjtë se gjithçka tjetër o ” Cub Fejsbuku”.
Për të bërë revolucionin o ” Cub Fejsbuku” nuk nevojiten as arme dhe as tulla. Nevojitet të marrësh fëmijën tënde për dore o ” Cub Fejsbuku” dhe të bësh një shëtitje pas orës dhjetë në mbrëmje.
Dhe nëse del një popull i tërë, pas orës dhjetë o ” Cub fejsbuku” ai që kemi mbi krye mbetet krejt i vetëm në marrëzinë e tij.Që të bësh revolucion o ” Cub Fejsbuku” duhen këllqe e ti këllqet nuk i ke.
Ndaj ki mirësinë që ta na e kursesh atë komentin e revolucionit dhe të votosh siç duhet për të mundësuar rrotacionin. Rrotacioni nuk do të sjellë mrekulli, por të paktën do të mundësojë këmbimin e pushteteve. E pe se çfarë do të thotë pushteti në duart e një njeriu për gjysmë shekulli.
Nëse nuk të ka mjaftuar si përvojë dhe të ka marrë malli përsëri, votoje prapë Rilindjen o “Cub Fejsbuku”.
Post Scriptum- Natën e mirë o ” Cub Fejsbuku”
