Nga Fatjona DHIMITRI
Sot do ju drejtohem ju zonja Deputete të Rilindjes, që në dukje mbroni të drejtat e njeriut e nuk po lini studio pa reflektuar propagandën tuaj.
Organizoni takim pas takimi, konferencë pas konference, jehonë pas jehone e nuk lini vend pa ngritur flamujt e delirit të fitores së mandatit të tretë.
A ka të drejtë më themelore se e drejta për të jetuar?
Ju e dini shumë mirë që jeta nuk hiqet në asnjë rrethanë, si dikur kur Diktatori dënonte me vdekje kundërshtarët e rregjimit të tij gjakatar.
E pra zonja Deputete, ju që bërtisni pa rreshtur për këto të drejta, kam një pyetje për ju:
Pse nuk denjuat të dënoni në asnjë rast nje krim makabër nga dora e shtetit, nga kjo polici që nuk njeh të drejtat e njeriut?
Ku jeni ju mbrojtëset e flakta të të drejtave të njeriut që sot po fshiheni pas atit tuaj shpirtëror?
Dilni, e mos u fshihni pas zërave te mekur se u prish një pemë, apo u dëmtua nje parmak mbrojtës. Jeni mësuar ju do të hapni thesin për tendera e do i “ndreqni” sërish.
Edvin Kristaq Rama vrau një djalë të ri. Ishte nje provë, si do reagojë kjo shoqëri.
Sot vrau dikë. Nesër dikë tjetër. Pasnesër e keni rradhën ju siç bëri ati i tij shpirtëror.
Kjo bishë po nuk u ndal, do ju shkatërrojë të gjithëve edhe ju që sot e adhuroni.
Sot ju duket Skenderbe, nesër do ju duket lubi!
Dilni nga skuta ku jeni futur e mbroni jetën e femijëve Tuaj.
Ju që heshtni sot, jeni ju ato që vrisni më tepër me heshtjen tuaj therrëse!
Mos flisni më ekraneve për të drejtat e njeriut se nuk i duhet kujt mashtrimi juaj, zonja Deputete.
