Nga Kimete BERISHA
Ky është ai yrrneku, arroganca dhe cinizmi, urrejtja dhe mendjemadhësia që në Shqipëri e ka bërë modë dhe mënyrë të jetës Edi Rama.
Kushdo që sot është në pushtetin e tij, anipse kurrkushi, e imiton Edi Ramën është nevrik dhe bën si cinik,
u shet mend shqiptarëve, si Spiropali për shembull, e cila aq shumë është magjepsur me vetveten sa ka harruar që nëse zbret nga kali i Skënderbeut të saj, e humb rrugën në oborr, e nuk di më të kthehet në shtëpi.
Se dinë të kthehen në shtëpi, vetëm ata që kanë ecur me këmbët e veta, e jo ata që kanë ecur me këmbët e kalit.
Edhe policia, edhe mediat e tij, edhe shitëset në butiqe, gjithkush që e ka lakmuar dhe e ka marrë yrrnek (model) Edi Ramën, shquhet për mendjemadhësi, kotësi dhe për superioritetin e tij.
Në Shqipëri s’ka shqiptarë modestë, atje krejt janë ‘të ditur’, mohues, dyshues, përbuzës, diva, refuzues, ‘artista’, kategorikë, arrogantë dhe cinik si Edi Rama.
Ashtu ndodh edhe në policinë e shtetit, ku policit i duket vetja dikushi, zot, edi ramë…dhe ashtu i teket, e nxjerr alltinë prej xhepi dhe vret për pikë qejfi.
Njësoj siç polici kriminel e vrau me gjakftohtësi të riun e pafajshëm, Edi Rama, qe tetë vjet me gjuhën e tij ka thyer eshtra dhe e ka ‘vrarë’ dhe demoralizuar krejt shoqërinë me fjalë të rënda, me injorim, me shamje, me mohim, me mllef, me nervozë, me dyshim e me cinizëm.
‘Viktimat’ e mllefit të tij shtrihen deri në Kosovë.
Jepjani një leksion të zjarrtë sonte dhe nesër, pasnesër dhe çdo natë.
Deshja tlinat midis sheshit e tregoji se cinizmi është shkollë, që kushton lirë.
Se Edi Rama ‘ia di çmimin gjithçkahit, por vlerën askujt’.
P.S.
Prandaj, është Dandy.
Edhe çadrën e ka Dandy.
