Nga Ylli Dylgjeri
Histori njerëzore
Rama duhet ta dijë…
Ikja një ditë pa nishan e Besa Shahinit nga Qeveria më kujtoi dhimbshëm një histori që ma ka treguar gjyshja ime dibrane vite të shkuara në fëmininë time.
Historia e treguar prej saj ka ngjarë në vitet 38-39, në Tiranë…Më ka mbetur në kujtesë ai tregim.
Një kushëri yni hapi një restorant në Pazarin e vjeter,
ku gatuhej guzhinë tradicionale për tregtaret e zanatçinjte e pazarit e te tjere kalimtare. Nje dite ne dyert e restorantit hyn një djalë i vogël, i veshur me kostum popullor kombëtar. Nga pamja dukej se ishte nga Kosova. Djali kërkoi me dialekt verior të fliste me te zotin e restorantit. Kërkonte punë. Kushëriri e dëgjoj hallin e tij me qetesi dhe i erdhi keq se kishte braktisur shtëpine ne Kosovë, ndaj dhe në fund e pranoi ta punësonte në restorant. Kështu djali mbushte ujë, lante pjata, grinte sallate e qëronte patate. Punet e guzhines. Per te fjetur iu shtrua një krevat në papafinkon e lokalit. Kështu kaluan ditët dhe muajt…
Ai punonte pa u ndjerë dhe pa u shoqërizuar me punonjësit e tjerë. Por nuk zgjati shumë. Një mëngjez, kosovari i vogël kishte ikur pa nishan nga restoranti! Arsyeja e ikjes u zbulua më vonë, pas interesimit të pronarit te puntorët e tjerë.
Ikja ishte shume e dhimbshme. Çkish ngjare? Kosovari kishte qene femer ! Vishej si djale per tu maskuar. Por shtati kishte bëre te veten. Trupi filloj te formatohej. U rritën përmasat intime. U formëzua në vithe e në gjoks…paçka se Ajo mundohej ti mbulonte nën kostumin kombëtar.
Kjo kishte bëre që mos të qendronte më në pune. Nuk donte ti dilte gënjeshtra e prezantimit të parë…Dhe iku. Iku pa nam e nishan! Kohë të tjera…
Mos valle edhe Besa pas kaq kohe pune ne Qeverinë e Rilindjes iku se ishte Besniku? Rama duhet ta dijë…
