Shpetim Axhami, kryetar i PLL
Ky sezon turistik, nxori në pah se çfarë solli dhe çfarë mbolli kjo lloj qeverisje, e cila kërkon të përpi e gllabëroj gjithçka që i del përpara.
Varfërisë ekonomike dhe pandemisë aktuale ju shtua edhe ky sezon i fundit turistik, ku shqiptarët nuk patën mundësi të pushonin dhe shumë operatorët turistikë të falementonin.
Kësaj katraure i vuri vulën pengesa e levizjes së emigrantëve të cilët kishin ardhë për pushime në vendin e tyre.
Këto veshtirësi të krijuara artificialisht kanë një një prapavi antishqiptare, kjo e ndihmuar nga neglizhencat dhe paaftësia e një qeverie kukull dhe e dirëzuar totalisht.
Kanë prapavi antishqiptare të përsëritshme, sepse këto vështirësi lëvizje tentojnë të largojnë vëmendjen e turistëve tanë dhe tē huaja drejt vendeve fqinje duke dëmtuar turizmin shqiptarë.
Bllokimi i qytetarëve në kufi, tregon se kjo qeveri i ka tradhëtuar interesat e qytetarët e vet dhe me politikat e saj po i detyron ata që të braktisin gjithnjë e më tepër vendin e tyre, kjo për ta pasur sa më të lirë “çifligun e vet” siç ata e quajnë.
Masat e marra si duhet nga qeveria në lidhje me identifikimin, izolimin e persona e me CIVID-19, nuk do të kishin sjellë këtë situatë nëpër dogana por do të i kishin paraprirë këtij kaosi gati katastrofik.
Sezoni turistik, me çadra, bare dhe lokale të zbrazura, me qytetarë të ngelur rrugës, kjo edhe për shkak të keq menaxhimit të situatës së pandemisë dhe kryesisht nga pamundesia ekonomike, ku vetëm pagesa e taksave të larta kerkohet me këmbëngulje, është sezoni turistik i fundit me turp i kësaj qeverie në ikje.
