Feston 21 vjetorin e martesës dhe bën dedikimin e tij mbushur me fraza dashurie për bashkëshorten.
Kush tjetër, përveçse ish-deputeti karizmatik Eduart Ndocaj, ndan me ndjekësit përmes rrjeteve sociale, eventet e rëndësishme familjare, duke dëshmuar se familja është “arma më e fortë” dhe “pika më e dobët” e tij, pas së cilës ka rendur në përmbushje të qëllimeve për t’u krijuar një jetë sa më të mirë dhe larg realitetit dramatik që Shqipëria e tranzicionit ofron për qytetarët e saj.
Edhe pse me mjaft sakrifica të panumërta dhe plot peripeci të pallogaritura, Ndocaj ia ka dalë të afirmohet në emigrimin e vështirë dhe të afirmohet si qytetar model i vendit fqinj, ku përmes punës dhe vullnetit ka ndërtuar biznesin e tij që është ndër më të konkuruesit në fushën e ndërtimeve.
Sigurisht, “pas një burri të suksesshëm qëndron një grua e fortë që e mbështet atë” dhe padyshim, në rastin “kaubojsit” qëndron Valentina, e cila prej 21 vitesh është muza e frymëzimit dhe mbështetja më e madhe e Eduartit, duke suportuar me mjaft finesë dhe elegancë vështirësitë e komportimit që ka jeta në emigrim.
Në mesazhin e tij të urimit, në përvjetorin e 21 të martesës me Valentinën, ish-deputeti xhentelmen i adreson bashkëshortes fraza të mbushura me nota romantike.
Në emër të redaksisë së InfoPressAlbania, i urojmë çiftit Ndocaj, (Eduart dhe Valentina), përvjetorë të pambarimtë në martesën e tyre dhe qofshin gjithmonë të lumtur familjarisht.
Si sot 21 vjet më parë, ne mbanim duart e njëri-tjetrit fort teksa ecnim drejt bashkimit drejt betimit , drejt krijeimit te families tonë te mrekullueshem . Kam mësuar shumë prej atëherë. Dashuria është si një kopsht. Kam mësuar të fokusohem të të ndihmojë të lulëzosh në atë që dëshiron të jesh (në atë që je lindur të jesh), dhe jo të kërkoj të jesh ashtu sic kërkon egoja ime. Kam mësuar të gjej kënaqësi kur ti ndjek ëndrrat e tua, më shumë se sa të të shtyjë të përmbushësh dëshirat e mia egoiste duke mbuluar kështu edhe pasiguritë e mia.
Kam mësuar që dashuria është të dëgjosh. Dashuria është të japësh. Dashuria është liri. Urime përvjetorin, mbretëresha ime. Jam i përkushtuar të jem pranë teje dhe 3 mrekullive tona Ilenia,Eda,Kevin.
Te dua shum .
