Nga Enada CIKO
Dimë që çdo spital nëse deklaron një numër të madh të prekurish, tërheq fonde nga organizata botërore e shëndetësisë (OBSH). Prandaj, nuk është çudi që shifrat alarmante të vijnë për të falsifikuar realitetin e deklarimit të të sëmurëve të prekur realisht me COVID-19, ndoshta, për të shitur edhe maskat pasi vlera e tyre ka rënë shumë më shumë se në kohë karantine. Do thoni ju që ai gaboi…..Po ju rifreskoj situatën se çfarë foli Rama pasi ishin shitur të gjitha maskat, e publikuar më datë 18/03/2020.
Rama: – “Maskat, të dëmshme për ata që nuk janë të sëmurë”.
PANDEMIA E KORONAVIRUSIT.
Kryeministri Edi Rama, me anë të një postimi në Facebook, bëri këshillën e radhës për qytetarët. Rama shkruan se maskat janë të dëmshme për personat të cilët nuk janë të sëmurë.
“E kemi përsëritur vazhdimisht që për ata që nuk janë të sëmurë, nuk janë duke trajtuar një të sëmurë apo nuk punojnë në një mjedis me shumë njerëz, maskat janë jo vetëm të padobishme, po edhe të dëmshme sepse ulin vigjilencën tonë në zbatimin e rregullave bazë!”
Më tej, ai poston edhe një këshillë nga virologu i famshëm italian, Fabrizio Pregliasco. “Maska nuk është e nevojshme nëse nuk jeni pozitiv. Po përdoret kot! Për shembull, po përdoret në supermarket sepse ekziston frika nga afërsia e tjetrit, por është e kotë. Mjafton të mbani distancën prej të paktën një metër. Jo vetëm që po e përdorni kot, por edhe mund t’ju dëmtojë sepse me maska dhe doreza, ju jeni të prirur që të bëni marrëzira. Prekni gjërat me doreza dhe më pas prekni gojën me doreza duke menduar se jeni i qetë, por nuk janë duart problemi. Problemi është ku i vendosni duart. Ekziston rreziku që të ulni nivelin e vigjilencës dhe mbrojtjes”.
Rama sot, data 17/07/2020.
Kryeministri Edi Rama, mëngjesin e sotëm ka bërë një thirrje për të gjithë qytetarët që të mbajnë maskat. Me anë të një postimi në rrjetet sociale, ai e ka përcjellë këtë mesazh me anë të një fotoje ku shfaqet vetë duke mbajtur maskë. Tani lind pyetja nëse këto maska duhet t’i mbajmë për tu sëmurë apo sepse shteti do që të boshatisi xhepat e qytetarëve për të mbushur xhepat e tyre.?!
