“Vazhdoj të besoj se po t’u krijohen mundësitë fëmijëve, ata mund të realizojnë çdo ëndërr!” Kjo thënie e senatorit amerikan David Vitter, duket se ka frymëzuar kryebashkiakun e Vaut të Dejës, Mark Babani, i cili kishte sot një nga dëgjesat më speciale, rezervuar posaçërisht për ekselentët e shkollave të mesme të juridiksionit të tij.
“Është nga ditët më të bukura dhe Ju jeni vizitorët më të mirëseardhur, ndaj dhe prezenca juaj, përveçse motivim për të shërbyer më devotshmëri dhe përgjegjshmëri ndaj interesave komunitare, është dhe një shtysë, për të ofruar një qasje tjetër në akumulimin e politikave për të rinjtë, që sigurojnë një perspektivë afatgjatë dhe një vizion më të qartë integrues, duke u mbështetur në kapacitetet e reja që do vijnë pikërisht nga brezat tuaj.“
Kështu ju drejtua Kryetari Babani, këshillit rinor të bashkisë, përbërë me nxënës ekselent nga shkollat e mesme.”Ju jeni e ardhmja, jeni zhvillimi dhe pritshmëritë tona ndaj jush janë të mëdha.
Bashkia Vau-Dejës për hir të Gjeografisê, gëzon tre potenciale të rëndësishme, që në të ardhmen mund të përkthehen në realitete zhvillimore, si: Energjia, Buqësia dhe Turizmi. Është pikërisht ky potencial që me punë e përkushtim , si dhe me ofrimin e potencialeve nerëzore të mirëshkolluara, mund t’i kthejmë në burim mirëqënieje për banorët tanë”.
Në këtë takim Babani, njohu të rinjtë me investimet e shumta që po ndodhin në zonë, por edhe reformat që janë ndërmarrë, duke synuar gjithnjë përmirësimin e vazhdueshëm të shërbimeve banorët.
Gjatë bashkëbisedimit, kryetari Babani, evidentoi se, një ndër arsyet e ndryshimeve të shpejta në bashkinë Vau i Dejës, është bashkëpunimi me komunitetin, hallkat e ndryshme të pushtetit vendor, individë, kontribuotorë dhe faktorë që e duan vendin e tyre dhe po investojnë për të, dhe kjo është arritur falë kredibilitetit dhe aftësive për të krijuar një panoramë ndryshe të funksionimit të institucionit, ku primar mbetet qytetari dhe shërbimi sa më cilësor ndaj nevojave të tij.
Të rinjtë treguan interes për investimet që lidhen drejtpërdrejtë për rininë. Ata shtruan disa kërkesa , si biblioteka, qendra rinore, parqe dhe vende argëtimi. Kryetari, njohu të rinjtë me buxhetin për rikonstruksionin e shkollave për 2020-ën, si dhe parashikimin dhe fillimin e shpejtë të punimeve për rikonstruksionin e qendrës kulturore .
Ky takim u zhvillua në kuadër të projektit “Bashkitë për Evropë”, që po zbatohet nga Bashkimi Europian, nën kujdesin e veçantë të Zyrës Integrimit Europian, prane Bashkise Vau-Dejës.
Kjo zyrë, me novacionin që ka sjellë përgjegjësja e saj, Znj. Entela Kolaj, ka organizuar takime të shumta me target-grupe të ndryshme të kësaj bashkie, duke u fokusuar në rolin që luan komuniteti në proceset integruese të vendit, si dhe duke adresuar problematika të shumëllojshme që lidhen me sensibilitetet që ka ky proces.
Znj. Kolaj, si një eksperte e fushës, përmes implementimit të duhur të qëllimeve të hapjes së njësive të integrimit pranë pushtetit vendor, ka arritur me punë dhe produktivitet të radhitet ndër zyrat më të sukseshme në 61 bashkitë të vendit.
Më pas të rinjtë u njohën për thirrjen “Ambasadorët e Rinj Evropian nga Ballkani Perëndimor” . Thirrja pritet të gjenerojë një rrjet prej 60 të rinjsh që do të jenë ndikues organikë, në mesin e bashkëmoshatarëve të tyre dhe të etur për t’u angazhuar në veprime të diplomacisë publike. Kryetari dhe drejtuesja e Zyrës së Integrimit Europian, inkurajuan të rinjtë që të aplikojnë. Afati i aplikimit është data 15 Korrik 2020!
