Të thuash se Edi Rama sot i ngjan babait të kombit tregon një mungesë personaliteti dhe karakteri qytetar. Ndoshta është i destinuar të jetë kryetari që së pari është votuar si i tillë vetëm nga paraardhësi i tij. Në partinë socialiste nuk ka patur kurrë zgjedhje qoftë edhe për formalitet ashtu siç e parashikon dhe rregullorja e PS.
Ndoshta prandaj dhe Rama nuk ka dashur kurrë të dalë i vetëm pa një koalicion, në zgjedhje demokratike e me konkurrencë të pastër. Që prej dhënies së pushtetit në tavolinë nga Fatos Nano askush nuk ka denjuar ta këshillojë e jo më ta gjykojë për veprimet e tij. Ai mund të quhet si shakaja e hidhur e fatit për shumicën e atyre që nuk duan të jenë të verbër pas siglës së partisë socialiste.
Egziston e regjistruar në arkivat e medias ku ish-kryeministri Pandeli Majko i thotë një qytetari nga Kavaja se edhe sikur nje fermer i paarsimuar po të vendoset në krye të partisë socialiste mundet të bëhet kryeministër i Shqipërisë sepse sipas atij shqiptarët zgjedhin partinë dhe jo personin në krye të saj.
Të gjithë e kemi kuptuar se fatkeqësisht kjo është e vërtetë veçanërisht për për PS.Mbase një komunitet servilash, oportunistash, militantësh ose njerëz të lidhur me oligarkinë brenda organizatës së Rilindjes mund ta konsiderojnë Edin si plakun e qoshes , por unë e shoh me optikën e një qytetari të depolitizuar.
Në mendjen time kam ndërtuar imazhin e një plaku të rrjedhur që në të vërtetë nuk e di se çfarë po bën, por që po udhëhiqet nga oreksi për pushtet. Nje miku im gazetar nga Lubjana më kërkoi disa informacione mbi programin zhvillimor të shtetit shqiptar mbi investimet strategjike po sinqerisht pas një hulumtimi në faqet e ministrive pashë thjesht një gjë dhe ajo ishte “Asgjë”.
Rilindasit e vjetër, Zogu ,Enveri dhe qeveritë në demokraci zbatuan të gjitha idetë se si mund të ecte përpara vendi ynë. Çuditërisht jemi në fund të mandatit të dytë të rilindasve të rinj dhe nuk kemi as edhe një investim serioz dhe madhor. Në ekonomi trajta dhe e vetmja formë nga ku mund të kanalizohen fondet pa kosto janë ato nga investimet direkte të huaja siç ishte projekti i TAP-it.
Natyrisht papjekuria e instancave përkatëse tregohet aty kur pohojnë se nuk bëhen fjalë për projekte të këtilla as në të ardhmen. Ah ,po se harrova për mbetjen në flagrancë të planit për shkatërrimin ne Shqipëri të armëve kimike siriane. I pari argument që tregoi se si qeverisja po merrte formën e një telashi të pamasë.
Rama po luan me shoqërinë rolin e njerkut pijanec, i cili nuk u jep fëmijëve për të ngrënë ,por e lë derën hapur për të shkuar jashtë shtetit e për mos t’u kthyer ndoshta më kurrë në atdhe. Pse çfarë mendon ky qytetar i zonës së Surrelit , se do jetë sipër fronit kryeministror për disa mandate të njëpasnjeshëm , i mbështetur vetëm nga një pjesë pensionistësh të zonave rurale që presin në mënyrë idilike ringjalljen e Enverit?
Në fakt edhe ata e kanë kuptuar se nuk ka asnjë lidhje me këtë burrin e fundit. Të paktën ai ua sekuestroi pasurinë të pasurve dhe ua ri-alokoi atë të gjithë shoqërisë socialiste kurse Rama mblodhi taksat dhe detyrimet kryesisht nga shtresat e varfra dhe ua dhuroi në mënyrë kaq të hapur një grupi oligarkësh, në një mënyrë që vështirë se mund të quhet si vjedhje konvencionale shtetërore.
Mund të jetë kryeministër i një turme me njerëz ,mund të jetë baba për një kolektiv tjetër ,por për mua është dikush që po dhunon verbalisht çdo grimcë të identitetit tim , tëndin dhe asaj se çfarë do të jemi nesër së bashku.
