Nga Dritan DUSHI
Siç nuk kam besuar në aftësitë e tyre për të qeverisur vendin. Piksëpari po nuk e pate në zemër ndjenjën e atdhedashurisë nuk do mund ti shërbesh kurrë atdheut, veç xhepave tuaj! Kjo është një nga arsyet pse vendi është në kolaps ekonimik, politik, shëndetësor… e shumë aspekte të tjera. Së dyti, aftësia e tyre qeverisëse ka lënë dhe vazhdon të lërë për të dëshiruar. Që nga varfëria e tejskajshme, trafikimi, nga menaxhimi i situatave kaotike si tërmeti, pandemia… e shumë faktorë të tjerë që i bëjnë qeveritarë të dështuar.
Populli shqiptar e ka bërë njërin sy qorr e njërin vesh shurdh, për t’ju dhënë mundësinë për të qeverisur. Këta u ulën në karriget qeverisëse si nxënësit në bankat e shkollës dhe po mësonin dita ditës, por pa rezultat. Për faktet që janë të bardha si bora, ata kërkonin ti nxinin!
Së treti si sot 142 vjet më parë, me 10 qershor 1878, u mbajt Lidhja e Prizrenit, ku si pikë kryesore të programit të saj kishte mos përçarjen e kufinjve etnikë shqiptarë! E si të mos mjaftonte përçarja që i është bërë Shqiptarisë me vite, toka e deti që i është vjedhur, sot çohen dy “bamirësit” për ti dhënë të tjera territore të Kosovës, Serbisë! Kurrsesi jo! Armiku i djeshëm nuk të bëhet mik sot!
E këta dy zotërinj, Rama e Thaçi harruan genocidin serb mbi popullin e tyre, harruan luftën, heronjt, familjen Jashari, Ibrahim Rugovën, UÇK, e sa të tjerë që dhanë jetën për një Kosovë të lirë e të pavarur. “Mos i çoni nga varret!” Më atdhedashës për vendin tuaj është treguar presidenti Bill Clinton se vetë ju.Duhet t’ju vijë turp!Lëreni babëzinë tuaj se është turp e mëkat kjo që po planifikoni.
E nëse këta nuk kanë ndërmend të heqin dorë nga planet e tyre antiatdhetare, ju bëj thirrje gjithë popullit të Shqipërisë së madhe, të çohen! Të çohen për eshtrat e të parëve të tyre, për të tashmen dhe për të ardhmen e fëmijëve të tyre. Kosova është Shqipëri!
