Pas thirrjeve publike të përditëshme 3 javore të Partisë Demokratike për marrjen e masave për përballimin e Covid-19, Ministria e Shëndetësisë nëpërmjet një procedure sekrete, bazuar në nenin 6 “Kontratat sekrete, kontratat që kërkojnë masa të veçanta sigurie dhe kontratat që diktohen nga interesa thelbësorë të shtetit” të Ligjit “Për Prokurimin Publik”, prokuroi blerjen e 1 mijë tamponëve.
Në një kohë kur transparenca është bazike, përdorimi i procedurës sekrete me motivacionin e “interesave thelbësore të shtetit”, është një mënyrë për të fshehur vjedhjen, pasi interesi i vetëm është ZHVATJA.
Vlera për tampon sipas Ministrisë së Shëndetësisë është llogaritur në 60 euro/copa, por nëse i referohemi tregut vlera është 20 euro/copa pra një vjedhje 40 euro për tampon.
Nderkohë, Shqipëria vazhdon të renditet midis Siri Lankës dhe Xibutit për numrin e ulët të testeve të kryera, pavaresisht rekomandimit të OBSH-së për kryerjen e testeve në masë, si e vetmja mënyrë për monitorimin dhe parandalimin e Covid-19.
