Ish-deputeti Eduart Ndocaj, teksa shfaqet në një nga supermarketet në Milano duke bërë blerje, ka publikuar një video përmes së cilës i ka kujtuar kryeministrit shqiptar Edi Rama se protagonizmi i tij i sëmurë duke izoluar vendin me masa ekstreme si dhe me shpikje nga më të padëgjuarat po krijon një anomali të madhe, pasi qytetarët përballen me nevojat themelore jetike dhe nuk kanë standardin e vendeve të tjera që aplikojnë masa të ngjashme.
Ndocaj përmes kësaj videoje, i ka bërë të njohur kryeqeveritarit se, shqiptarët nuk kanë bukë për të ngrënë dhe jo të aplikojnë në portalet e Ramës me celularë, pasi jo të gjithë kanë smartphonë apo iphonë, prandaj të gjejë forma dhe mundësi që janë në përputhje me realitetin shqiptar.
Duke e konsideruar demagogji dhe protagonizëm të sëmurë politik, ish deputeti kërkon nga Rama që ky i fundit të bëjë detyrën e tij duke u ardhur në ndihmë shqiptarëve me paketa ekonomike, duke lehtësuar biznesin e vogël i cili po falimenton, si dhe t’u vijë në ndihmë familjeve që s’kanë të ardhura pasi rrezikohen nga mungesa e ushqimeve dhe nevojave të tjera jetike.
Ja reagimi:
