Shuhen yjet për mijëra Italianë!
ITALIA, RRËNJA E QYTETËRIMIT BOTËROR
Ndonëse edhe ne Shqiptarët sot jemi në betejën tonë të vetëm si gjithë kombet e tjera, duke uruar e shpresuar me besim në Zot, të kemi sa më pak kosto njerëzore, por nuk mund të lija pa hedhur shikimin nga Italia e populli i saj, pasi e ndiej me shpirt si kombin më të qytetëruar e më human të globit, kombi më pranë kombit tonë shqiptar në ditët e këqija.Sot realisht e gjithë bota gjëndet e kolapsuar nën pushtimin e armikut të panjohur, sfida fituese ndaj njeriut sot në kohën moderne.
E gjithë bota në betejën njerëzore ndaj Coronavirusit, prodhim laboratorik apo e natyrshme, por tashmë në luftë për jetën e të zënë mat përballë saj.Italia, kalorësi i humanizmit botërorë, themeli i qytetërimit botëror, me Romën para Krishtit pranë kodrës buzë lumit Tiber, krijesa e vëllezërve Remi e Romuli, më e pasura e botës në kulturë e civilizim modern e kulturën e lashtë, e deri te themeluesja e BE-së, vënd i rëndësishëm i shkencës e industrisë botërore, vendi i mikpritjes së refugjatëve, vendi i mikëpritjes së shqiptarëve, Ajo sot ndodhet e vetme në betejë me Covid-19.
Italia atleti më i madh botëror në ndihmë të të varfërve e vendeve në luftë e me fatkeqësi natyrore, sot shpërblehet me mosmirënjohje nga vendet europiane, dhuratë e cila do të ndëshkojë të arrdhmen e humanizmit botëror.Ne shqiptarët si komb i vogël i kontinentit europian duhet të jemi gjithë jetën mirënjohës kombit italian për nderet në momente të vështira të vendit tonë, ashtu sikurse edhe kombet e tjera, e përse jo edhe kombet e mëdha pasi italianët shërbyen si prinjës në shërbim të të gjithë popujve të botës.
Shpëtimi i Italisë aty ku janë rrënjët e qytetërimit botëror do të ishte kurorëzimi i fitores së madhe ndaj luftës me armikun e panjohur, sëpaku secili vend i botës me simbolikë duhej të kishte dërguar 2-3 mjek apo infermierë për solidarizim e mirënjohje për kombin prinjës të humanizmit botëror.Italianëve koronavirusi ju ka kostuar me disa mijëra jetë njerëzore, me një mjekësi mjaft të zhvilluar, por të dështuar në këtë betejë të panjohur e cila do sjellë pasoja edhe të hidhura për familjen e ekonominë italiane.
Pasojat nuk do të jenë vetëm për Italinë por për gjithë globin e cila tregon se jo vetëm shkenca e mjekësisë botërore por e gjithë politika dështoi përballë popujve.E them me bindje të plotë se sot Italia e plakur do të dalë më e fortë e më e re në mendim e veprim në të arrdhmen e saj e të gjithë botës.Po sjell mesazhin e Shën Terezës: “Mos u dorëzoni edhe kur gjithçka duket se po shkon keq.
Mos harroni se në fund të tunelit ka gjithmonë dritë”.Ndërsa për shqiptarët që jetojnë e punojnë në Itali do të apeloja, të ndihen mirë si në shtëpinë e vet, ti shërbejnë secili vetes e familjes, ti shërbejnë kombit italian me ideal e përkushtim njerëzor, të ndihen krenar se janë shtetas italian.Zoti e bekoftë popullin italian!Zoti i bekoftë të gjithë popujt e botës!Agron Prebibaj, kryeredaktor i Euro Albania & sekretar i medias së Partisë Demokristiane të Shqipërisë.
