Në mesin e entuziazmit të fitores, Albin Kurti pati deklaruar se koalicioni mes Vetëvendosje dhe LDK’së do të vulosej 72 orë pas certifikimit të rezultateve, gjë e cila nuk ndodhi edhe pas 80 ditësh,a po 1848 orësh, shkruan Gazeta Metro.
Kanë kalaur gati tre muaj e nuk ka një marrëveshje për formimin e qeverisë, madje sonte liderët e partive u deklaruan ashpër me akuza ndaj njëri-tjetrit.
Lideri i Lëvizjes Vetëvendosje, Albin Kurti dhe ai i Lidhjes Demokratike të Kosovës, Isa Mustafa, pas zgjedhjeve të parakohshme parlamentare të 6 tetorit, patën paralajmëruar se do të jenë të mjaftueshme 72 orë për të arritur një marrëveshje për krijimin e koalicionit qeverisës, pas certifikimit të rezultateve të zgjedhjeve nga Komisioni Qendror i Zgjedhjeve.
“Do të takohemi për ta kryer, brenda 72 orëve apo më pak se 100 orëve, marrëveshjen tonë përfundimtare për koalicionin e ardhshëm qeverisës”, pati thënë Kurti më 22 nëntor.
Lideri i Lëvizjes Vetëvendosje Albin Kurti ka njoftuar se kanë dështuar negociatat me partinë e Isa Mustafës për koalicionin, e që nesër në Kuvend të Kosovës dy partitë do të shkojnë pa arritur marrëveshje, shkruan Gazeta Metro.
Kurti, ka thënë se një ofertë të fundit që i ka bërë LDK’së për ndarjen e posteve, por që ka thënë se është refuzuar. Ka thënë se VV’ja ka bërë kompromise, por asnjë s’është bërë nga LDK’ja.
Lideri i LVV-së, Albin Kurti përmes një videomesazhi, nuk i ka shpallur të përfunduara negociatat për qeverinë e re, por ka bërë të ditur se nesër në seancën konstitutive të Kuvendit të Kosovës do të shkojnë pa dakordim për marrëveshjen qeverisëse. Ai ka shtuar se çështjen e presidentit duhet lënë për më vonë.
Ndërsa, Isa Mustafa shkroi në llogarinë e tij në rrjetin social Facebook, se përkundër të kaluarës e kishin vullnetin për të negociuar me VV’në dhe e përmendi që VV’ja kishte shpërfillur rregullat e caktuara gjatë bisedimeve.
Kryetari i LDK’së vazhdoi se këtë shpërfillje e vazhdoi sot edhe Kryetari i LVV’së, Albin Kurti. Mustafa nnuk pajtohet se ai dhe LDK’ja kanë dështuar, ishte LVV’ja që po provon të fajësoj LDK’në për kanë dështuar.
“Të tillë e kam parë VV’në edhe sonte me video-mesazhin e Kryetarit të Vetëvendosjes, z.Albin Kurti. Për LDK’në dhe për mua, negociatat nuk kanë dështuar”, ka thënë Mustafa.
Ndërsa, Kurti thoshte se qeverinë ai e bën për 72 orë, e kutojmë që s’e bëri as për 80 ditë./gazetametro.net
