Aktori i njohur Neritan Liçaj i bëri apel qeverisë që tu vijë në ndihmë banorëve të prekur nga tërmeti.
Në një deklaratë për Ora News, Liçaj gjithashtu u kërkoi qytetarëve të dërgojnë ndihma për familjet e prekura, sidomos ilaçe për fëmijët, si edhe batanije e ushqime.
Neritan Liçaj: “Do i lutesha shumë njerëzve që kontribuojnë nga të gjitha rrethet e Shqipërisë, Tirana mbi të gjitha, Kosova dhe Maqedonia që i kanë besuar aleancës për të bërë këtë shpërndarje e ndihmave për njerëzit në nevojë në zonat e prekura e tërmetit, të sjellin batanije, dyshekë, ilaçe, sidomos ilaçe për fëmijët. Ka shumë fëmijë që janë nëpër çadra në këtë të ftohtë. Ndaj ju lutemi të sillni sa më shumë nga këto materiale, po sigurisht edhe ushqime, veshmbathje, por mbi të gjitha dyshekë, batanije, jorgan dhe ilaçe.
Do i bëja apel qeverisë të lëvizte nga vendi, sepse kemi vajtur kemi dërguar ndihmat ne të parët dhe nuk kishte as kryebashkiak, as kryeplak as oficerë të lartë, rrinë ushtarët dhe nuk dinin kujt it drejtoheshin as ata. Njerëzit janë në nevojë, të shkunden, mos të gërhasin kur bie tërmeti.”
Qytetarë të shumtë kanë dërguar ndihma në Teatrin Kombëtar për familjet e prekura nga tërmeti. Mëngjesin e sotëm janë nisur kamionë drejt Thumanës me ndihma.
Mbi 1500 qytetarë kanë dhënë kontributin e tyre duke ofruar batanije, ushqime dhe ilaçe për të prekurit.
