Kreu i Partisë Lëvizja e Legalitetit, Shpëtim Axhami, përmes një deklarate për shtyp ka mbështetur rezolutën e Partive Popullore Evropiane për zgjidhjen e krizës politike në vend dhe kërkesën për zgjedhjet e parakohshme.
PLL-ja, përmes kryetarit Axhami po dëshmon rikthimin e fuqishëm të këtij subjekti në skenën politike shqiptare, duke vijimësuar konsekuencë dhe vizion në debatin e brendshëm politik dhe në alternativat e zgjidhjes së problematikave.
Mbështesim Rezolutën e PPE-së.
Reforma të drejta dhe zgjedhjet e parakohshme sjellin stabilitet dhe zgjidhje të krizes aktuale.
Partia Lëvizja e Legalitet, mbështet Rozolutën e Kongresit të Partisë Popullore Europiane, për zgjidhjen e krizës në Shqipëri.
Për PLL, kjo Rozolutë është në përshtatje edhe me kushteve e Bundestagut Gjerman, kushte tashmë të vlerësuara nga Opozita e Bashkuar, si bazë e zgjidhjes së krizës.
Respektimi i kësaj Rozolute, do të siguronte, zgjidhjen e krizes aktuale nēpërmjet kryerjes së reformave të domosdoshme, pavarësinë e institucioneve ligjore kushtetuese dhe zgjedhje të lira te parakohshme.
PLL, është e bindur dhe shpreh besimin e saj, se me ndihmën faktoreve, të shëndoshë, nderkombëtar dhe me vullnetin e mire politik mes paleve, kjo situatë, aspak normale në vend, do të marrte fund.
Respektim i pikave të kësaj Rezolute, duke kaluar nëpërmjet zgjedhjeve të parakohshme, do të bënte të mundur krijimin e një stabiliteti të brendshëm dhe do të mundësohej sa më shpejt, hapja e nogociatave dhe rruga drejt Europës.
Zyra e shtypit e PLL.
