Përmes një statusi në rrjetet sociale, një nga ish-eksponentëtdhe drejtuesit kryesorë të PS në Lezhë, Agostin Marku, në komentin e tij për situatën aktuale politike, ka hequr një paralele me zhvillimet e vitit 1996, kohë kur Partia Demokratike, pothuajse kishte të gjitha pushtetet në vend dhe ishte përballë një euforie jashtëzakonisht të dëmshme për rrugëtimin demokratik të vendit, pasojat e së cilës u ndjenë një vit më vonë, ku Shqipëria ishte në prag të një lufte civile.
Në kontekstin e paralelizmit, Marku, adreson një mesazh të qartë për klasën politike aktuale, duke lëshuar sinjale të qarta, se nëse Rama si kryeministër, së bashku me lidershipin politik të maxhorancës nuk vlerësojnë faktorin opozitar, atëherë, Shqipëria rrezikon sërish të ketë një përplasje tjetër, pasi tashmë shqiptarëve “iu është mbushur kupa” dhe keqqeverisja e vendit, me arrogancë dhe prepotencë, padyshim që nuk sjellë asnjë ecje para në proceset integruese, por përkundrazi, e rreshton Shqipërinë në anën e gabuar të arritjes së aspiratës së saj.
Marku, përmes nëntekstit të qartë, adresuar kryeministrit, e mbyll komentin e tij me shprehjen: “… bota rrotullohet edhe pse dikush ben sikur nuk e beson e dikush mendon se është e tyre…!
Ja komenti i tij:
Pas zgjedhjeve të 26 majit 1996, pikerisht me datë 27, në sheshin kryesor të qytetit Lezhë filluan krismat e armeve nga militantet e kohes në shenjë gezimi për fitoren e “merituar” të PD.
Një nga keta militantë, i cili ishte mjeshter i manipulimit të votave dhe ketë e kisha provuar në kurrizin tim në disa zgjedhje radhazi, kur unë po dilja nga zyrat e PS me afrohet e me thotë:
“E shikon jemi Ne tani dhe Ju duhet të heshteni, gjithçka është e jona”.
Po i thashë e shikoj dhe me trishtim e kam provuar dhe po e provoj njëkohesisht duke i deklaruar se bota është e rrumbullaket dhe Ju mendoni se ajo është ndalur, por kjo botë po leviz dhe biles me një shpejtesi marramendese që Ju nuk e besoni ndaj dhe veproni keshtu. Realisht erdhi 97 ( vetem 6-7 muaj pas) dhe ndodhi ajo që pak kush e besontë. PD u shkermoç nga ajo që gatoj vetë.
E në fakt bota rrotullohet edhe pse dikush ben sikur nuk e beson e dikush mendon se është e tyre…!
