Një person ka humbur jetën ndërsa një grua ndodhet në spital jashtë rrezikut. Një makinë ka dalë nga rruga në aksin Sarandë-Delvinë, në vendin e quajtur Karahaxh dhe ka marrë flakë.
Për pasojë, shoferi është djegur i gjallë brenda në makinë kurse gruaja e ishte me të, bashkëjetuesja ka shpëtuar për mrekulli.
“Panorama” mëson se viktima quhet Albert Caushi, kurse partnerja e tij Merita Muja 44 vjec.
Informacion paraprak
Rreth orës 20:40, në aksin rrugor pranë vendit të quajtur “Karahaxh”, automjeti tip “Renault Megane” që drejtohej nga shtetasi A.C, ka dalë nga rruga dhe ka marrë flakë.
Si pasojë e flakëve të shpejta është djegur rëndë dhe ka ndërruar jetë brenda në mjet drejtuesi, shtetasi A.C me banim në Fier.
Ndërsa bashkëjetuesja e tij shtetasja M.M, ndodhet në Spitalin e Sarandës, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
