Rasti i denoncimit të gazetares Doriana Metollari, ndaj Pjerin Ndreut, përvecse ka turbulluar më shumë ujërat e “rilindjes”, e cila në këtë moment është drejt një shpërbërje totale, ka ngjallur dhe reagime të shumta, nga politika dhe nga shoqëria civile, e cila kërkon shpjegime dhe informacione më të plota mbi akuzat e hedhuara.
Nuk ka vonuar dhe ish-rivali i tij për bashkinë e Lezhës në votimet e 30 qershorit, Eduart Ndocaj, të reagojë në stilin e tij, duke iu drejtuar prokurorisë së përgjithshme, të hetojë për këtë rast, dhe të zbardhë të vërtetën, ndonëse për këtë gjë flitet masivisht në Lezhë, duke akuzuar me emër Ndreun si të lidhur dhe të përfshirë në veprimtari kriminale.
Ndocaj, përmes këtij referimi, iu është drejtuar dhe socialistëve të Lezhës, atyre që besojnë në vlerat e familjes, ta përzënë nga partia e tyre ndreun, pasi ky nuk është i denjë për të qenë pjesë e tyre dhe se nuk përfaqëson Lezhë dhe virtytet e saj.
Ja postimi i plotë i Ndocajt:
I bëj thirrje Prokurores së Përgjtheshme, faktorit ndërkombëtar, SPAK-ut, të gjitha organeve të drejtësisë e ligjzbatuese, të rihapet kjo cështje e sapo shkruar nga kjo gazetare, e cila e akuzon drejtpërdrejt kriminelin Pjerin Ndreu për vrasje, rrembim, marrje peng dhe fshehje të disa krimeve monstruoze, në kohën kur ishte drejtues policie në Lezhë! I bëj thirrje, cdo socialisti që beson tek familja, beson tek e drejta, ta largojë me dhunë nga PS Lezhë këtë monster!
