I ftuar ditën e sotme në studion e A2CNN, për të folur mbi manipulimin e votave, një fenomen tashmë i kthyer në çështje kombëtare, Eduart Ndocaj, me cilësinë e ish-kandidatit për kyetar të bashkisë Lezhë, ka bërë një rezume të hollësishme të votimeve të 30 qershorit, ndaj të cilave ka mbajtur një qëndrim të prerë, duke i konsideruar të manipuluara dhe të turpshme për mënyrën se si u organizuan dhe për batërdinë e vjedhjes masive që iu bë vullnetit të lirë të zgjedhësve.
Në vijim të argumentave të tij, Ndocaj ka ndarë me publikun disa fakte që implikojnë drejtpërdrejtë segmentet e qeverisjes në manipulimin e këtyre votimeve.
Ai ka akuzuar Pjerin Ndreun, si një kapobandë që ka marrë peng Lezhën, duke shantazhuar dhe duke kërcënuar qytetarët, pasi, sipas Ndocaj, qëllimi i bandës së Ndreut nuk është miradministrimi i halleve dhe problrmatikave të komunitetit lezhian, por vjedhja dhe grabitja e pasurive publike, prej të cilave banda e Ndreut është joshur prej shumë kohësh duke i ardhur rrotull si “ujku-dashit”.
Ndocaj, ka mbajtur dhe një qëndrim të ashpër ndaj Kolegjit Zgjedhor, i cili ditën e sotme rrëzoi pretendimet e “kaubojsit” për manipulime votash. Ndocaj, paralajmëroi nga studio e A2CNN se beteja e tij në mbrojtje të votës së lirë dhe të parimeve të dmokracisë nuk do të ndërpritet, pasi siç njoftoi, ai, pritet ti drejtohet prokurorisë së Lezhës me fakte konkrete duke akuzuar komisionerët dhe numëruesit e 30 qershorit si kërcënim për demokracinë dhe si konsumues të veprave penale, duke manipuluar votën e lirë të qytetarëve.
Për m[ shumë ndiqeni të plotë bisedën e zhvilluar në studion e televizionit A2CNN:
5 gjykatës të Kolegjit Zgjedhor, të “tredhur” nga Edi Rama, vendosën të shkelin mbi votën e lirë të qytetarëve, dhe të mbështesin një bandit, siç është Pjerin Ndreu, tashmë i çertifikuar nga gazeta germane BiLD, si një kriminel i votës së lire dhe dhunues i qytetarëve të ndershëm. Veprimi jonë i rradhës është denoncimi i bandës “Ndreu” në prokurori, po ashtu edhe denigrimi i kësaj paturpësie në çdo nivel ndërkombëtar deri në Strazburg. Kurrë s’do ndalem kundër kancerit që ka marrë peng Lezhën tonë!
