Pas ankimimit të rezultatit në Kolegjin Zgjedhor, ish kandidati për kreun e bashkisë Lezhë, Eduart Ndocaj vazhdon të publikojë fakte që kompromentojnë, sipas tij, votimet e 30 qershorit, të cilat u zhvilluan në një klimë tërësisht dhune dhe presioni nga kandidatët e “rilindjes”.
Edhe pse ishin vetë numërues, vetë votues, po vetë menaxhues të këtyre votimeve, sërish “sëmundja” e manipulimit të votave ishte evidente për kandidatët e qeverisë, të cilët dëshmuan se përballë egos së tyre për pushtet dhe për karrige, ata nuk njohin asnjë limit në dhunimin e ligjeve dhe të standardeve zgjedhore.
Ndocaj, në publikimin e radhës, sjell për ndjekësit e tij, disa statistika që rrëzojnë jo vetëm logjikisht votimet e 30 qershorit, por dhe evidentojnë manipulimin masiv të tyre, duke dëshmuar se fryma e manipulimit ishte strategji kombëtare dhe me regji nga vetë kryeministri Rama.
Ja çfarë shkruan, ish kandidati Ndocaj:
ABUZIMI ME MBUSHJEN E KUTIVE DO PERFUNDOJNË NE BURG CDO BANDIT QË MORI PJES NË KËTË KRIM ZGJEDHORË.
Ja për shembull Lezha.
Sipas Komisioneve Socialiste të Votimit:
3800 lezhjanë votuan deri në orën 11:00, atëherë kur dhe temperaturat janë më të favorshme.
Nga ora 11:00 deri në 15:00, kur temperaturat janë ekstreme dhe kur tradicionalisht bie numri i qytetarëve që iu drejtohen qendrave të votimit, Komisionet e këtyre të fundit kanë “regjistruar” edhe 5 641 votues të tjerë.
Nga ora 15:00 deri 18:00, “regjistrohen” edhe 3 559 votues duke e çuar në total numrin e votuesve 13 000.
Por, për të arritur objektivin, Komisionet Socialiste, në 60 minutat e fundit të proçesit, kanë “regjistruar” 2500 votues të tjerë.
Për të mos mbetur me kaq, në Tabelat Përmbledhëse të publikuara fillimisht, sipas të dhënave nga Komisionet Socialiste të Numërimit, llogariteshin në total 14 338 votues, pra 1000 më pak sesa publikimet e fundit. Këto 1000 vota diferencë, “çuditërisht” përkojnë edhe me numrin e “votuesve” për personazhin e përgjimeve, 11 966 ose 1000 më pak sesa votat që Komisionet Socialiste i dhuruan në fund të proçesit të manipulimit.