Manipulimi i votave të 30 qershorit, tashmë nuk është thjeshtë justifikim humbësish, por një fakt i pakontestueshëm, ku batërdia e votave të vjedhura nga grupet e strukturuara të Partisë Socialiste, po evidentohet dita-ditës, si një fenomen gjerësisht dhe masivisht i pakontrolluar.
Lezha ishte kryeqendra e përplasjes dhe e rivalitetit në këto zgjedhje, ku krahas rilindistit Pjerin Ndreu, kandidoi dhe ish-deputeti Eduart Ndocaj, i cili njihet për mbështetje të gjerë qytetare në këtë bashki.
Rezultati i 30 qershorit për këtë bashki, nxori në dritë një skemë të qartë të manipulimit dhe të vjedhjes së votave, ku struktura të organizuara nën drejtimin e kandidatit socialist, kishin përgatitur një strategji të qartë, por babëzitja e tyre nuk njohu kufi dhe si të tillë, kanë rënë në grackën e shifrave, ku kanë arritur të manipulojnë masivisht qendrat e votimeve, duke grabitur tërësisht votat e “kaubojsit”.
Ky nuk është thjeshtë një pretendim, por një realitet nga i cili nuk mund të fshihen, sepse çdo ditë po dalin në dritë prova të qarta.
Eduart Ndocaj, përmes një postimi në rrjetet sociale, ka bërë publike një video që implikon shpurën e Pjerin Ndreut në krimin elektoral të vjedhjes së votave.
Ndiqeni të plotë postimin:
