Me thirrjet :”E duam Shqipërinë si e gjithë Europa”, “Rama ik”, si dhe “Nuk ka zgjedhje pa opozitën”, dhjetëra qytetarë dhe demokratë të bashkive Pukë dhe Fushë -Arrëz, kanë marshuar përmes sheshit kryesor të qytetit të Pukës, për t’u mbledhur në një tubim paqësor para ambienteve të KZAZ-së nr.7, si vijim i aksionit opozitar në mbrojtje të demokracisë dhe të parimeve të saj, të cilat më shumë se kurrë, sot, janë të kërcënuara nga procesi farsë i votimeve njëpartiake që do të mbahen më datë 30 qershor.
Për nga mënyra dhe klima e tensionuar politike dhe civile që zhvillohen këto votime, janë tregues i instalimit të një neo-diktature, ku sensi i pluralizmit dhe garës politike tashmë janë nocione të tejkaluara në kohë, pasi Rama dhe sekti mavi, të ushqyer nga kuzhina ideologjike moniste, po përpiqet të implementojë modelin e sivllaut të tij koreanoverior Kim Jon Un, me zgjedhje njëpartiake dhe me burgosje, arrestime dhe përndjekje të opozitës dhe qytetarëve të lirë.
Në këtë tubim paqësor, kreu i degës lokale të PD-së, Ferit Ringaj, vuri theksin tek nevoja për zgjedhje të lira dhe garë të hapur politike, pasi konteksti aktual i votimeve njëpartiake, privon vullnetin e shumicës së qytetarëve për të shprehur votën e tyre në favor të alternativave të tjera.
30 qershorin, kryetari Ringaj e ka konsideruar të rëndësishëm për vlerat e demokracisë, ndaj dhe u ka bërë thirrje demokratëve të bojkotojnë farsën e votimeve, sepse Shqipëria e pas kësaj date, do të ketë një dinamikë të re në skakierën e ngjarjeve politike, pasi shqiptarët nuk do bëjnë gabimin e vitit 1945, duke pranuar votime garë dhe pa alternativë.
Gjatë fjalës të tij, kreu demokrat ka akuzuar drejtuesit vendor të të dy bashkive, Pukë dhe Fushë-Arrës, për arbitraritet në shërbimet e ofruara ndaj komuniteteve respektive, ndaj dhe këta nuk kanë moral dhe fytyrë të përballen me qytetarët, por e kërkojnë mandatin duke garuar pa rivalë.
Ironia e situatës është akoma më e madhe, -shtoi më tej gjatë fjalës së tij kryedemokrati Ringaj, -teksa vëren shantazhin e madh që iu bëhetë qytetarëve dhe zgjedhësve për pjesëmarrje në votime, cka tregon që kandidatët e’rilindjes” dhe në garë me vetveten, nuk heqin dorë nga vesi i tyre i kriminalizimit të votës dhe të fushatës.
Protesta e organizuar nga “Aleanca Qytetare për Mbrojtjen e Demokracisë” këtu në Pukë, u mbyll paqësisht me itinerarin e marshimit deri tek bashkia, dhe me ndalesën në shkallët e këtij institucioni, nga ku pjesëmarrësit kanë lëshuar thirrje kundër kryetarit aktual të bashkisë Pukë.
Për të përcjellë mesazhin paqësor të kësaj proteste, organizatorët e saj shoqëroheshin nga familjet e tyre, duke dëshmuar nivel të lartë përgjëgjësie dhe qytetarie në konceptimin e këtij tubimi.
Ndiqni video-sekuenca nga kjo protestë:
