Në përmbyllje të një fushatë të pazakontë, duke trokitur derë më derë, kandidati për kryetar të bashkisë Lezhë, Eduart Ndocaj, ka shfrytëzuar orët e mbetuara para ditës së shtunë që konsiderohet “heshtje zgjedhore”, të përcjellë një mesazh për të gjithë demokratët lezhianë, duke i ftuar të bëhen pjesë e votimeve më 30 qershor, ku me votën e tyre, japin një kontribur përcaktues në moslejimin e fitores së kandidatit socialist Pjerin Ndreu.
Në videon e shpërndarë në profilin e tij facebook, Ndocaj, ka nënvizuar presionin dhe shantazhin e madh që iu bëhetë të punësuarve dhe buxhetoëve në tërësi, duke u kërkuar votën për kandidatin e “rilindjes”, si dhe ka drejtuar gishtin për situatën e terrorit që po përjetojnë qytetarët lezhianë tek rivali i tij, të cilin gjithnjë e ka akuzuar si të lidhur me bandat dhe struktura kriminale që njihen në Lezhë.
30 qershorin, Ndocaj e ka konsideruar të rëndësishëm për vlerat e qytetarisë lezhiane, ndaj dhe u ka bërë thirrje demokratëve të votojnë kandidaturën e tij, si përfaqësuese të denjë të shtresës së tyre, dhe të idelave të tyre, pasi origjina dhe historia e familjes sime, shton Ndocaj në video-mesazhin e tij, i ka rrënjët në të djathtën shqiptare dhe në vlerat e qëndresës për Liri dhe demokraci.
Ndiqeni video-mesazhin e plotë:
