Në kuadër të riorganizimit të arsimit parauniversitar, drejtori i DAR Lezhë, Bardhok Pulaj mblodhi ditën e djeshme drejtuesit e shkollave të Pukës, ku krahas njohjes me problematikat e ndryshme të fundvitit shkollor, nuk ka anashkaluar dhe rëndësinë e 30 qershorit, “si datë me rëndësi historike për të ardhmen e vendit”.
Gjatë këtij takimi, mësohet se Pulaj, ka orientuar drejtorët e shkollave të Pukës të jenë aktivë në votimet e 30 qershorit, duke “ftuar” mësuesit të bëhen pjesë masive e këtij procesi.
Këtë fakt e ka denoncuar dega Pukë e Partisë Demokratike, e cila përmes reagimit të saj në profilin zyrtar, ka zbuluar arsyen e vërtetë të ardhjes në Pukë të drejtuesit të DAR-it, i cili gjatë takimit me drejtorët e shkollave, pasi ka mësuar faktin se të gjithë drejtuesit e institucioneve arsimore të Pukës janë drejtues të forumeve dhe të organizatave të Partisë Socialiste, është treguar i shkujdesur në ligjërimin e tij, duke i instruktuar për mekanizmat specifikë të pjesëmarrjes masive të mësuesve në votimet e 30 qershorit.
Në denoncimin e saj, dega lokale e PD, ka përsëritur faktin se ndaj punonjësve të institucioneve dhe ndaj të gjithë buxhetorëve po ushtrohet një presion i jashtëzakonshëm, duke i kërcënuar drejtpërdrejtë me vendet e punës, në rast të mospjesëmarrjs së tyre në votimet e datës 30 qershor.
Ja denoncimi i degës së PD, Pukë:
Sikur te mos mjaftonte presioni i gjithanshem nga strukturat shteterore ne Puke dhe Fushe-Arres nga (drejtues institucionesh e kandidatet pa rivale) sot “zbarkoi” ne Puke Drejtori Rajonal i Arsimit z.Bardhok Pulaj,ne nje takim me drejtuesit e shkollave te rrethit, duke i orientuar dhe kerkuar qe te ushtrohet presion mbi çdo mesues qe te shkojne ne votime.
Naryrisht veprimet absurde te ketyre “Rilindasve” nuk kane te ndalur edhe pse dihet se te gjithe drejtuesit e shkollave jane drejtues te forumeve lokale te Partise Socialiste=Rilindje dhe kandidatet pa rivale i kane “trajnuar” me kohe se si te veprojne.
#PerballjeDeriNefund
#NukKaZgjedhjePaOpoziten
#ShihemiMe13Tetor
