Nga, Sokol Jeshili:
Dalldia e shifrave nuk eshte nje gje e re per ne shqiptaret, gje qe me jep bindjen se, shume te pakta jane ato fjali te zakonshme ne biseda po te tilla, brenda te cilave nuk permenden numra. Ne krye te sondazhit atipik te kujteses sime, ne me te shumten e hereve shifrat i kam pare si te lidhura brenda nje togfjaleshi me fjalet “leke dhe borxh”, madje ato, shume te ndryshme dhe me plot variacion numrash.
Mirepo, ka disa kohe qe duket sikur shifra ka ngecur ne 30 dhe kjo, per me teper, ka krijuar nje pavaresi ndaj fjaleve “leke dhe borxh”, duke mbetur e lidhur tashme me fjalen “qershor”. Te prej 30 qershori faqet e para te gazetave, te prej 30 qershori ekranet e televizioneve, po ashtu edhe ne rrjetet sociale, 30 qershori ka fituar nje status, qe eshte gati te sfidoje çfaredolloj teme, sado e ndjeshme te jete ajo.
E sigurisht, shifra nuk qendron e pambeshtetur ne ate qe nenkupton, qe eshte themeli i saj: nje date ne kalendar – dita e fundit e nje muaji. Mirepo, kjo e qershorit te ketij viti, sikur ka marre persiper te thote me shume nga sa mundet te thote nje shifer, nje date kalendari. E them kete, nisur nga fakti qe, kudo me kap veshi fraza te tipit: “30 qershor”, “po ku ka 30 qershor”, “nami do behet ne 30 qershor”, “mallkuar qofte 30 qershori!” etj.
Afermendsh, pasi degjon keto shprehje me nota dramatike, çdo dite te majit, çdo dite te qershorit qe s’eshte ajo e fundit – 30-ta, pra, ne çdo rast te vjen te lidhesh dhe me çfare i pason ato, per te kuptuar me shume. Ajo qe vjen kuptueshem nga sa degjohet rendom, duket qe eshte indikator i nje ndasie te madhe me tipare ekstreme, polet e se ciles, referuar ngarkeses se shtuar qe mban kjo date, e bejne ate te besohet qe, per disa vjen ne daten 30 te kalendarit te zakonshem, per disa te tjere, 30-ta e qershorit do te vije ne nje date tjeter, madje dhe ne nje muaj tjeter.
Referuar ketij raporti plot kundershti dhe me debate te ethshme kudo ku zihet ne goje kjo date, te vjen vetiu te mendosh qe 30 qershori nuk do vije per te gjithe njeheresh, por do te vije i manget; pra, nuk do vije i gjithi ne 30.
