Libri i ish-presidentit Bamir Topi, Nocturn ka hapur debat në skenën politike shqiptare. Rrëfimet e tij për marrëdhënien me Sali Berishën, Lulzim Bashën, dhe të tjerë “aktorë” politikë në vend, kanë bërë tashmë xhiron e mediave.
E fundit është edhe pasazhi i librit të Topit, që thotë se Sekretari i asaj kohe në Ministrinë e Mbrojtjes, Edvin Kulluri, pa urdhër dërgoi tek shtëpia e Topit, një helikopter të Gardës.
“Sidoqoftë, të urdhëruar dhe nën presion, Sokol Çuni dhe piloti i ri, Donald Hoxha, i cili do të gjente vdekjen dy vjet më vonë në një aksident ajror mbi liqenin e Shkodrës, u ngritën në fluturim vetëm me një urdhër të sekretarit të Përgjithshëm të Ministrisë së Mbrojtjes, Edvin Kulluri, si një fluturim rutinë, në një ditë të diel, pa urdhrin me shkrim të komandantit epror Dhori Spirollari, i cili ndonëse nuk kishte kurajën ta ndalonte këtë aventurë, mbrojti veten duke mos lënë gjurmë me firmën e tij, për një fluturim ku gjërat do të komplikoheshin gjatë rrugës”, shkruhet ndër të tjera në libër.
Por, përgjigjia ka ardhur edhe nga vetë Edvin Kulluri, i cili thotë se helikopteri është ulur pas një kërkese të këngëtares Zajmina Vasjari, e cila donte të xhironte një klip. Kulluri shton se do të ishte mirë që një ish-president të mbante vendin që i takon, pa u kthyer në një vegël të kryeministrit të radhës.
Reagimi i Kullurit:
Te dashur miq! Pas makines se propagandes se Rilindjes, edhe ish- presidenti Top ne librin e tij Nocturn, paska perseritur pretendimin alucinant se ne cilesine e sekretarit te Pergjithshem, ne vitin 2012 paskam urdheruar ngritjen e helikoptereve te Forcave te Armatosura!
Kete here jo per xhirimin e nje klipi te kengetares Zajmina Vasjari, por me qellimin per tu ulur ne oborrin e shtepise se tij ne forme presioni ndaj tij dhe familjes se tij!
I nderuar ish- president, si ish- komandant i FA duhet te kishit kuptuar se kerkesa e kengetares ne fjale i eshte percjelle per shqyrtim komandantit te Forces Ajrore ne baze te kompetencave te tij!
Ajo eshte nje kerkese e percjelle drejte KFA dhe nuk eshte”Urdher”, pasi jo vetem qe ekzististon asnje “urdher”, por sekretari i Pergjithshem i MM nuk urdheron dot njesite e FA per ceshtje ushtarake, por i kerkon plotesimin e detyrave ne fushen civile si buxhet, prokurime dhe detyra qe ia ngarkon legjislacioni shqiptar! Si politikan apo ish politikan te keshilloj te mos genjesh per tu bere “hero” me pahir pasi kjo sjellje nuk te con askund!
Mundohu te ruash dinjitetin qe i takon nje ish-presidenti.
