Ndoshta kjo duket si diçka “e lehtё” pёr ne shqiptarёt duke qёnё se kemi parё edhe tё vriten njerёz nёpёr protesta, por as kjo nuk duhet toleruar. Nёse dikush tё gjuan me shqelm nuk do tё thotё qё i lejohet tё tё gjuajё me shuplaka.
E kam thёnё disa herё qё pёr mua kjo protestё nuk ka asnjё vlerё. Nuk ka asnjё vlerё sepse e gjithё kjo “luftё” bёhet pёr tё rrёzuar njё hajdut e pёr te ngritur njё tjetёr. Ёshtё e paimagjinueshme pёr mua tё protestoj krah Lulit e Monёs, tё cilёt nuk duan gjё tjetёr veçse tё kenё mё shumё mundёsi tё vjedhin. E megjithatё nuk i mohoj askujt tё drejtёn pёr tё protestuar. Kёtё s’duhet ta bёjё askush. As njё njeri i thjeshtё, as kryeministri, as minisiti i brendshёm. Askush.
E megjithatё njё protestё u dhunua. Dhunё pёr tё cilёn pёrgjegjёs i parё ёshtё ministri i brendshёm. Ai qё drejton policinё. Prandaj unё gjej rastin t’i drejtohem si miku mikut. Mirditori mirditorit. Shqiptari shqiptarit.
Zoti Lleshaj, jini i vёmendshёm ndaj qytetarёve tё kёtij vendi. Ju supozohet t’i ruani e t’i mbroni ata. Jo t’i dhunoni. Ata nё shesh janё motrat e vёllezёrit tanё. Mund tё ishit dhe ju aty. Ndoshta do tё jeni nё njё tё ardhme. Nuk besoj se do ju pёlqente tё dhunoheshit kur ju vetё nuk shfaqni dhunё. Pёrdorimi i gazit lotsjellёs ёshtё arma e fundit qё dikush duhet tё pёrdorё kur njё protestё del jashtё kontrollit. Duhet tё tregoni integritet. T’i besoni bindjeve tuaja e ligjeve tё kёtij shteti e jo tё ktheheni nё njё kukull apo makinё qё thjesht bёn atё qё i thuhet. Duhet tё keni pak respekt pёr veten fillimisht, por edhe pёr bashkёqytetarёt. Nuk mund t’i trajtoni nё kёtё mёnyrё. Tregohuni i pёrmbajtur. Njё shtet ka rregulla. Ёshtё e parashikuar çdo gjё se si duhet tё veproni. Pёrmbajuni ligjeve e jo dёshirave e nevojave tё çdokujt. Nё njё post tё tillё duhet tё jeni i fortё. I ftohtё. I hekurt. Tё mendoni pёr tё mirёn e pёrgjithshme e jo pёr tё mirёn e njё individi tё vetёm. Unё kam besim qё ju mund tё beni diferencёn nё atё qeveri zoti Lleshaj, prandaj mos bjer viktimё e prapaskenave keqdashёse tё politikёs. Jini i drejtё! Mos u rrёmbeni nga kёnaqёsia qё ju jep pushteti. Mos i harroni vlerat. Lini njё gjurmё tё mirё nё atё ministry e nё historinё e demokracisё shqiptare.
