Gjashtë persona kanë vdekur pas një rrëmujë në një klub nate pranë Ankonës në Italinë qendrore, ndërsa shkak është bërë hedhja e një substance të dyshimtë.
Në përpjekje për të dalë nga klubi të rinjtë janë përplasur dhe shtyrë me njëri-tjetrin. Ndërkohë që numri i të plagosruve derimë tani raportohet të jetë 120, 12 prej të cilëve ndodhen në gjendje të rëndë për jetën.
“Shkaku mund të ketë qenë shpërndarja e një substance të keqe, të rinjtë ikën dhe shkelën mbi njëri-tjetrin. Mjerisht, gjashtë vetë vdiqën dhe dhjetra u plagosën”, tha shërbimi i zjarrëfikësve në një deklaratë në Twitter.
Mediat lokale thonë se rreth 1,000 njerëz ishin në klubin e Lantern Blue në qytetin e Corinaldos në bregdetin e Adriatikut për një shfaqje nga reperja italiane Sfera Ebbasta.
Derimë tani viktimat mësohet se janë 5 të rinj dhe një grua që kishte shoqëruar vajzën e saj për të parë koncertin. Mediat raportojnë se ende nuk kishte nisur shfaqja e reperes kur në klub është ndjerë një erë e çuditshme.
Për këtë shkak shumë persona i janë drejtuar daljeve të emergjencës që për fat të keq kanë qenë të mbyllura, duke shkaktuar më pas rrëmujën fatale ku të rinjtë shtypnin njëri tjetrin në tentativë për të dalë.
