Një vatër e re proteste është çelur gjatë ditës së sotme. Janë studentet e Fakultetit te Inxhinierise së Ndërtimit & Arkitekturës dhe Urbanistikës në protestë kundër rritjes së tarifave nga shteti.
Pjesë e protestës është bërë edhe FRPD. Kreu i saj, Belind Këlliçi deklaroi se qeveria ka ngarkuar studentët me tarifa shtesë, krahas tarifës vjetore të shkollimit.
“Sikur mos mjaftoje tarifa aktuale vjetore, tashmë studentet duhet të paguajnë minimalisht 60.000 lekë të vjetra për çdo provim të mbartur”, shkruan kreu i të rinjëve të PD në nje shenim në faqen e tij në Facebook.
Praktikisht ata duhet të paguajnë dy herë për të njejtin provim.
