Java e 16-të e Kategorisë Superiore ka rezervuar sfidën mes dy ekipeve që janë në vendet e para të renditjes, Partizanit kryesues dhe Teutës që ndodhet e treta, shkruan Syri.net.
Në Durrës ky takim po pritet me interes të jashtëzakonshëm, aq sa po i bëhet reklamë mjaft e madhe.
Teuta po zhvillon një kampionat mjaft të mirë, duke u pozicionuar në vend të tretë, me 6 pikë pas Partizanit kryesues dhe vetëm 2 larg Skënderbeut.
Kjo ecuri e “Djemve të detit” të drejtuar nga Bledi Shkëmbi ka ngjallur shpresa te tifozët durrsakë, që kanë filluar të ëndërrojnë titullin kampion.
Ndaj edhe ndeshja me të kuqtë konsiderohet si deçizive dhe për këtë arsye edhe në biletë bëhet thirrje për mbështetje.
Takimi Teuta-Partizani do të luhet të shtunën më 8 dhjetor në “Niko Dovana” në orën 17:00.
