Nuk ka protesta të paligjshme, kur preken interesat e qytetarëve.
Shumë qytetarë, miqtë tanë, janë duke protestuar dhe mobilizuar këto ditë.
Për pronën, për arsimin, për kulturën për korrupsionin etj. Janë të drejta! Vërtet jo të gjithë, dhe jo të gjithë janë në protestë, por kjo nuk do të thotë se nuk janë bashkë me protestuesit dhe i mbështesin ata.
Në një Republikë Demokratike fakt është se protesta është e patjetërsueshme, është e drejtë e qytetarëve dhe grupeve, për t’u shërbyer interesat e tyre ose për të parandaluar padrejtësitë që mendojnë se janë kundër tyre.
Në një Republikë Demokratike është detyrimi i patjetërsueshëm i qeverisë që nuk mund të ankohet ndaj qytetarëve se janë “shpellarë” por të ulet me t’a e të gjejë zgjidhje.
Qeveria nuk mund të përdor e të vendosë dhunën dhe klimën e agresionit, duke kërcënuar me shprehje marciale dhe të krijojë efektet e shtypjes ndaj këtyre qytetarëve që edhe kur e tejkalojnë masën e bëjnë nga dëshpërimi se nuk gjejnë tjetër zgjidhje.
E vetmja gjë që i jep të drejtë në ato momente të protestës ku bllokojnë rrugët dhe pengojnë lëvizjen e lirë të qytetarëve të tjerë, është se nuk kanë tjetër zgjidhje përveç rëndimit më tej të ekonomisë, ndërgjegjësimit të qytetarëve të tjerë se janë një zë që kërkon zgjidhje dhe për ata, pasi herët a vonë do t’ju vijë rradha.
Paralizimi i jetës së një qyteti është me pasoja të rënda por i’a vlen për mbrojtjen e të drejtave të qytetarëve e të demokracisë.
Të rrethosh institucionet nuk do të thotë se je kundër tyre, por se këto institucione duhet të punojnë në interes të qytetarëve.
Vërtet që për të protestuar në Shqipëri duhet guxim pasi shteti të përgjigjet me dhunë por këto janë efekte anësore përballë fitimit të së drejtës qytetare.
Është e nevojshme për t’u kualifikuar qeveria për të zgjedhur me dialog një protestë paqësore duke dëgjuar kërkesat dhe hallet e qytetarëve dhe kjo arrihet me konsultime për të gjetur mënyrën e zgjidhur mosmarrëveshjet para se të përdorë ofendime dhe dhunë ndaj tyre.
Edhe, nëse qeveria aktuale nuk do të ndryshojë, kam frikë se do t’a çojë vendin në protesta të dhunëshme dhe në konflikt që nuk i intereson askujt.
Për çdo gjë ka një pyetje legjitime, a kanë të drejtë qytetarët që të kërkojnë të drejtat e tyre.
Përgjigja e arsyeshme është se kur nuk zgjidhet institucionalisht i çon ata në protestë dhe kur qeveria përdor dhunë edhe ata përgjigjen me dhunë.
“Jepi Çezarit, atë që i takon Çezarit”
Sa e thellë dhe e kuptueshme është për të gjithë.
Vërtet që shpenzimet e ankesave të tyre kalojë në atë të bashkëqytetarëve të tjerë por mbi të gjitha janë parimet dhe jo kostoja financiare e momentit që të mos krijohet mendimi se kështu unë i shtyp të gjithë sipas rradhës dhe në fund kostoja financiare është një popull i shtypur, i varfër dhe pa të drejta.
Mbi interesin personal apo interesin e një grupi të caktuar shoqëror është interesi publik.
Kanë të drejtë, pra, për përzgjedhjen e protestës së dhunshme kur nuk ka zgjidhje tjeter dhe pse është mënyra më e vështirë, duke e mbajtur rrugët të bllokuara dhe institucionet të bllokuara deri në rrëzimin e tyre dhe vendosjes së marrëdhënieve të tjera me qeverisjen në favor të qytetarëve e demokracisë dhe jo të interesave të oligarkëve dhe të qeveritarëve të pangopur në pushtet.
Nuk është opozita që organizon këto protesta, por është ajo që duhet t’u dalë në mbrojtje të drejtpërdrejtë dhe me kosto ndërkombëtare se mund t’u tërheq dikush veshin që besimi i qytetarëve të kthehet tek institucionet dhe që opozita do vendosë të tjera marrëdhënie me qytetarët kur të jetë në pushtet dhe që problemet do të zgjidhen me dialog qytetar dhe jo me dhunë e fyerje.
