Raportuesi për Shqipërinë në Parlamentin Europian, Knut Fleckenstein në deklaratën e përbashkët për shtyp me kreun e delegacionit të BE në Tiranë Luigi Soreca komentoi shumë prej zhvillimeve të fundit në vend, duke u ndalur veccanërisht në mos dekretimin e Sandër Lleshit si minsitër të Brendshëm. Ndërkohë për një tjetër çështje si ajo e përgjimeve të kryebashkiakut të Durrësit Vangjush Dako, raportuesi nuk pranoi të komentojë duke pohuar se kjo ishte një çështje e prokurorisë. Për parantezë dhe për sqarim për z.Fleckestein! Si Presidenca ashtu edhe Prokuroria janë dy institucione të pavarura e në këto kushte më e pakta në qëndrimin e Raportuesit do ishte e drejtë ekuivalenca, pra ose komentimi i të dyja çështjeve ose mos komentimi i tyre.
Për çështjen e ministrit të Brendshëm, Fleckestein foli për informacionet pozitive për figurën e Lleshit, duke theksuar se ka BE kërkon që të ketë një Ministri të Brendshme që të jetë funksionale me një ministër në krye. “Informacioni që kam unë sa i takon zotit Lleshi janë informacione pozitive por nuk e di nëse e kam të gjithë informacionin pasi Presidenti mund të ketë informacione më të thella që e çojnë në këtë vendim. Nga organizatat ndërkombëtare kam informacione të mira por nuk përjashtohen informacione të tjera që ka presidenti. Presidenti nuk ishte i bindur plotësisht dhe sot dëgjova se qeveria do t’ja japë të njëjtin propozim sërish. S’e di çfarë arsyesh ka Presidenti. Informacionet qe kam unë sa i takon Z. Lleshaj janë të gjitha pozitive, ai ka qenë në Gjermani dhe ka disa lidhje aty për të”, – tha Fleckenstein. Me këtë koment, raportuesi për Shqipërinë dukshëm ka anuar në qëndrimin e tij, duke shprehur pikëpamjet pozitive për z.Lleshi e nga ana tjetër duke shprehur dyshime mbi qëndrimin e Presidentit. Pra në këtë rast komenti është më se i dukshëm favorizues për një palë. Në të njejtën linjë u shpreh edhe ambasadori Soreca i cili tha se “komuniteti ndërkombëtar e vlerëson punën dhe reputacionin e z. Lleshaj, është një zyrtar i lartë mjaft i njohur, i trajnuar nga komuniteti ndërkombëtar dhe për këtë arsye gëzon një reputacion shumë të mirë.”.
Ndërkohë interesit të gazetarëve për akuzat e opozitës në adresë të kryebashkiakut të Durrësit, Vangjush Dako, si Fleckestein ashtu edhe Soreca pohuan se është prokuroria ajo që duhet të hetojë. “Kam dëgjuar për këto akuza për kryebashkiakun e Durrësit, dhe them se prokuroria duhet të bëjë punën e vet. S’mund t’u jap të drejtë pa u hetuar këto akuza, pra pa dalë e verteta”. Në këtë rast komenti i Fleckestein është shterues , duke mos lënë hije dyshimi pas.
Nga kjo panoramë e mësipërme, lind dyshimi mbi qëndrimet e raportuesit, i cili për të qenë të sinqertë, jo pak herë më parë ka qenë i njënashëm në qëndrimet e tij. Pse në rastin e mosdekretimit, kur nuk janë zbardhur ende arsyet, raportuesi dhe ambasadori flasin me superlativa mbi figurën e Lleshit duke lënë dukshëm në dyshim vendimmarrjen e Presidentit? Pse në këtë rast z. Fleckestein nuk thekson se “nuk mund të flasë pa qenë në dijeni të çështjes dhe arsyetimeve” siç pohon për Prokurorinë në rastin e z.Dako ? Pse ky qëndrim me dy standarde i raportuesit të PE për Shqipërinë?
Z.Fleckestein sot folët si një i dërguar me porosi nga fondacioni “Soros” apo si një përfaqësues i Parlamentit Evropian për Shqipërinë?! Kujtojmë se nga mijëra dokumente të deklasifikuara të “DCLeaks” për rrjetin Soros, mes tyre ishte edhe një raport i hartuar në vitin 2013 i cili mbante emrin: “Lista e aleatëve të besuar në Parlamentin Evropian (2014-2019)”. Lista ishte e strukturuar sipas sektorëve dhe departamenteve të Parlamentit Evropian, ndërsa në seksionin e titulluar ‘Komiteti për Marrëdhëniet me Jashtë’, në listën e zyrtarëve të besuar të Fondacionit Soros, renditej edhe zoti Knut Flenckenstein.
