“Bëmë baba, të të ngjaj”!/ Ilenia Ndocaj, në rrugën e të atit: Binznesmene dhe… piktore e talentuar

Ilenia Ndocaj, vajza e madhe e ish-deputetit karizmatik Eduart Ndocaj, duket se trashëgon nga i ati, përpos dëshirës së saj për të qenë sipërmarrëse, ku me mjaft sukses po administron biznesin familjar në Itali, duket se i ka ngjarë “kaubojsit” (Eduartit) edhe në talentin për pikturën.

Përmes disa pikturave të publikuara, Ilenia, shihet qartë se ka nëj talent për t’u përgëzuar, pasi bie në sy imazhet plot dritë që ajo paraqet, si mesazhe shprese për rikthimin në normalitet dhe në jetën intensive dhe rrjedhat e saj normale.

Kjo kohë e mbushur me lajme të trishta që vijnë nga pandemia e Covid-19, ka nevojë për më shumë se kurrë për artin dhe vlerat e tij që përcon në drejtim të shpresëdhënies, ndaj dhe Ilenia, si një vajzë me plot energji dhe shpresë, gjen kohë nga koha e saj e cmuar, të ndajë me miqtë e saj, talentin në pikturë duke na dhuruar motive të shumëllojshme, me ngjyra dhe ngarkesa vitalizuese, që vijnë në kontekstin e mesazheve se e mira do të triumgojë.

Ish-deputeti Ndocaj, me krenarinë e ligjshme të të qenurit baba, i ka publikuar këto piktura në profilin e tij facebook, duke na lënë të kuptohet se kjo dhunti dhe zell për pikturën është një vazhdimësi familjare.